Ի՞նչ գրություն է թողել ինքնասպանության փորձ արած «Վանաձոր» ՔԿՀ-ի աշխատակիցը. ՖՈՏՈ

Վանաձորում այսօր՝ օգոստոսի 2-ին, ինքնասպանության փորձ է կատարել «Վանաձոր» ՔԿՀ-ի աշխատակիցը:

NEWS.am-ի թղթակիցն հաղոդում է, որ ինքնասպանության փորձ կատարած անձը Վանաձոր քաղաքի բնակիչ 54-ամյա Հարություն Հ.-ն է: Նա ՔԿՀ-ի եւ իրենց բնակարանին հարակից կիսակառույց եռահարկ շինության նկուղային հարկում խոհանոցային դանակով կտրել է պարանոցը, նաեւ ձեռքի երակները:

Ինքնասպանության փորձ կատարած անձը ամուսնալուծված է, բնակվում է միայնակ:
Հարությունը բնակարանում մի քանի գրություն է թողել բնակարանում, որոնցից մեկում իր այս քայլի համար մեղադրել է պետությանը:

Նրան այդ վիճակում հայտնաբերել են ՔԿՀ-ի աշխատակիցները, որոնք առավոտյան տեսնելով, որ Հարությունը չի ներկայացել աշխատանքի, այցելել են բնակարան եւ հատակին հայտնաբերել գրություն, որի վրա նշված է եղել, թե որտեղ է ինքնասպանության փորձ կատարել: Նրանք շտապել են նշված վայր եւ նրան հայտնաբերել արնաքամ վիճակում ու անմիջապես տեղափոխել հիվանդանոց: