Կարեն Զոհրաբյան . «Տարին ձեռքբերումներով լի էր»
ՀԱՍԱՐԱԿՈՒԹՅՈՒՆPast.am - ի զրուցակիցն է « Տենոր » համաշխարհային ասոցիացիա մշակութային ՀԿ - ի նախագահ ` Կարեն Զոհրաբյանը :
Շուրջ երկու տարի պաշտոնապես գործող ասոցիացիայի նպատակն է նաև արտերկրում ներկայացնել հայ մշակույթն ու ճանապարհ հարթել երիտասարդ տաղանդների համար : Դեռ տարեսկզբին Թբիլիսիում կայացած դասական երգի մրցույթում հայ երգիչների հետ միասին նա պատվով վերադարձավ հայրենիք և տարին ամփոփեց Լուսինե Զաքարյանի 80 - ամյակին նվիրված հուշ - երեկո համերգային ծրագրով :
Կարեն Զոհրաբյանը պատասխանեց մեզ հետաքրքրող հարցերին :Զրույցը նրա հետ հետաքրքիր էր , բովանդակալից :
Բեղուն , ու ստեղծագործական տարի էր կարծես թե ձեզ համար , ինչպե՞ս սկսվեց տարեսկիզբը :
Մարտին Թփիլիսիում տեղի ունեցավ « Նոդար Անդգուլաձե » անվան դասական երգեցողության երկրորդ մրցույթը , որին Հայաստանից մասնակցեց հինգ երգիչ :
Հաջորդ այցը կարծես թե Թուրքիայում էր , ո՞ւմ հետ մեկնեցիք և ի՞նչ արդյունք ունեցաք :
Մայիսի սկզբին Թուրքիայի Սիդե քաղաքում կազմակերպված էր »Հարմոնիա » անվանումով միջազգային մրցույթը , որին մասնակցեց Մարգար Եղիազարյանը : Թուրքիայի հանդիսատեսի ու հանձնախմբի առջև թևածեց հայ երգը , հնչեց Կոմիտաս` » Հով արեք և այլ ստեղծագործություններ :
« Տենոր » ասոցիացիայի գործունեության նպատակներից մեկն է գտնել երիտասարդ տաղանդներ ու օգնել նրանց գնալ դեպի արվեստի մեծ ուղով : Այդպիսով ձեր ղեկավարությամբ հուլիսի 14- 16 - ը Երևանում անցկացվեց «Ոսկե ձայն « միջազգային մրցույթը, որին մասնացում էին ավելի քան հինգ երկրից ժամանած երգիչներ :
Երևի թե այդ նախագիծը ամենից պարտավորեցնողն էր մեր այս տարվա աշխատանքային օրացույցում : Մինչև հուլիսի 14- ը արդեն իսկ նախապատրաստական աշխատանքներ էր տարվել , որպեսզի մրցույթը համապատասխան լիներ պահանջվող միջազգային պահանջներին , հաջորդ օրը գալահամերգն էր , կենդանի նվագախմբի նվագակցությամբ , հավելեմ , որ լավագույն մասնակիցները պարգևատրվեցին : Մեծ հպարտություն ես զգում , երբ որևէ երկրից հաղթանակած վերադառնում ես հայրենիք , Հայաստանը ներկայացրած երգչի հետ , սակայն մեկ ուրիշ հոգեվիճակ ու զգացողություն է , որ կարողանում ես քո հողում ընդունել և ճանապարհել օտարազգի արտիստին , ով քո հրավերով է գտնվում հայի բնօրրանում :
Սեպտեմբերին դուք երեք երգիչների ` Գոռ Թումանյանի , Յուրի Սարգսյանի ու Գրիգոր Գրիգորյանի հետ մեկնեցիք Իսպանիա` միջազգային մրցույթի մասնակցության համար :
Այո , սեպտեմբերի 22- 27- ը կայացավ « Богатстао голос » միջազգային մրցույթը , որի ժամանակ մենք լավագույնների շարքում էինք :
Որքանով տեղյակ եմ հետո կրկին վերադարձել էիք Իսպանիա :
Հոկտեմբեր ամսին Լորետ դե մար քաղաքում անցկացվեց ևս մեկ միջազգային մրցույթ , որի շրջանակներում Երևանը ներկայացրեց Մերի Բաբայանը ու կրկին արդյունքը գոհացուցիչ էր :
Տարվա գերխիտ գրաֆիկի ու ծանրաբեռնվածության հետ համատեղ հոգևոր հարստություն ունեցաք կազմակերպելով Լուսինե Զաքարյանի հիշատակին նվիրված հուշ - երեկոն :
Արվեստը հարատևում է , երբ հետևողականորեն ու նվիրումով աշխատում ես օրինակ ունենալով վառ անհատների , ովքեր ընտրյալներ են ու մշակույթ հասկացությունը ասոցացվում է նրանց անունների հետ : Լուսինե Զաքարյանի հոգեթով ձայնը և հրեշտակային կատարումները դեռ շատ կհիացնեն բազում սերունդների ու մեր պարտքն ու առաքելությունն էր տարեվերջում անդրադառնալ , համերգի միջոցով ցույց տալ նրա արվեստի կախարդական , մոգական ուժը :
Ամփոփելով տարվա հաջողություններն ու ձեռքբերումները ի՞նչ կմաղթեք հայությանը :
Խաղաղ ու հանգիստ առօրյա մեր սահմանին կանգնած զինվորին , և ուժ ու զորություն աշխարհի ցանկացած անկյունում ապրող հայ մարդուն:
