Ցանկանում եք ունենալ հարթ և գեղեցիկ մաշկ. Օգտագործեք այս փորձված և արդյունավետ միջոցները
ՖՈՏՈՅուրաքանչյուր կին ցանկանում է գեղեցիկ և խնամված տեսք ունենալ: Իհարկե կարելի է այցելել գեղեցկության սրահներ կամ գնել դեմքի խնամքի համար նախատեսված թանկարժեք միջոցներ, սակայն նույնիսկ մասնագետների կարծիքով, տնային պայմաններում կարելի է պատրաստել դեմքի մաշկը խնամելու հոյակապ միջոցներ: Օrer.am-ը սիրով ձեզ է ներկայացնում դեմքի մաշկի խնամքի համար նախատեսված հրաշալի դիմակների բաղադրատոմսեր.
Բանանով և վարսակի փաթիլներով դիմակ նախատեսված չոր մաշկի համար.
Անհրաժեշտ են.
1. 1 ճ. գդալ տրորած բանան
2. 1 ճ. գդալ եփած վարսակի փաթիլներ
Միացնել այս երկու բաղադրիչները, հավասար շերտով քսել դեմքին, թողնել 30 րոպե, այնուհետև լվանալ դեմքը ջրով: Արդյունքն անպայման կգոհացնի ձեզ:
Բանանով և մրգահյութով դիմակ նախատեսված ճարպոտ մաշկի համար.
Անհրաժեշտ են.
1. 1 ճ. գդալ տրորած բանան
2. 1 ճ. գդալ կիտրոնի հյութ, կարող եք վերցնել նարնջի կամ խնձորի հյութ
Բաղադրիչները միացնել, ստացված խյուսը քսել դեմքին, թողնել 10-15 րոպե, այնուհետև լվանալ ջրով:
Բանանով և մեղրով սնուցող դիմակ նախատեսված ցանկացած տեսակի մաշկի համար
Անհրաժեշտ են.
1. 2 ճ. գդալ տրորած բանան
2. 1 ճ. գդալ մի քիչ տաքացված մեղր
Միացնել բաղադրիչները, քսել դեմքին, թողնել 30 րոպե, այնուհետև դեմքը լվանալ սառը ջրով:
