Բակո Սահակյան, Ադրբեջանը 22 տարի պատրաստվում էր բլիցկրիգին
ՊԱՏՄՈՒԹՅԱՆ ԱՅՍ ՕՐԸ
Ապրիլյան պատերազմի ընթացքում Բաքուն ծրագրում էր բլիցկրիգի միջոցով ամենակարճ ժամկետներում ուժային ճանապարհով լուծել ղարաբաղյան հարցը: Այս մասին հայտնել է Լեռնային Ղարաբաղի Հանրապետության նախագահ Բակո Սահակյանը lenta.ru–ին տված հարցազրույցում:
«2016 թ. ապրիլի 2-5-ը Ադրբեջանը ուխտադրուժ կերպով խախտելով 1994-1995 թթ. հրադադարի մասին համաձայնագրերը, լայնածավալ ռազմական գործողություններ է իրականացրել Արցախի դեմ սահմանների գրեթե ամբողջ երկայնքով:
Ադրբեջանի գործողություները՝ իրենց բոլոր բնութագրերով կարելի է պատերազմ որակել: Բաքուն ծրագրում էր բլիցկրիգի միջոցով ամենակարճ ժամկետներում ուժային ճանապարհով լուծել ղարաբաղյան հարցը»,- նշել է ԼՂՀ նախագահը:
Նրա խոսքով, խոսելով ապրիլյան քառօրյա պատերազմի մասին, անհրաժեշտ է նաեւ հաշվի առնել, որ Ադրբեջանը դրան պատարստվել է 22 տարի, վարելով ագրեսիվ քաղաքականություն տեղեկատվական, դիվանագիտական ու ռազմաքաղաքական ոլորտներում: «Մենք բազմիցս նախազգուշացրել ենք տվյալ քաղաքականության վտագավոր ու ողբերգական հետեւանքների մասին:
Ցավոք պատերազմը չհաջողվեց կանխել: Եվ միայն մեծ նյութական ու մարդկային կորուստներ կրելուց հետո հակառակորդը ստիպված եղավ կանգ առնել»,- շեշտեց Բակո Սահակյանը:
