Բուլղարիայում ռուս զբոսաշրջիկների տեղափոխող ավտոբուս է այրվել

Բուլղարական Բուրգաս քաղաքից ոչ հեռու այսօր առավոտյան ավտոբուս է հրդեհվել, որում գտնվել է 10 ռուս զբոսաշրջիկ։ Այս մասին հայտնում է lenta.ru-ն՝ երկրի ներքին գործերի նախարարությանը հղումով։

Ինչպես նշվում է` ավտոբուսն այրվել է Բուրգաս-Չեռնոմորեց մայրուղու վրա։ Դեպքի վայր ժամանած հրշեջները մարել են կրակը, զբոսաշրջիկներն օդանավակայան են տեղափոխվել մեկ այլ ավտոբուսով։

Միջադեպի հետևանքով տուժածներ չկան։

Հրդեհի պատճառը կարող է լինել տրանսպորտային միջոցի տեխնիկական անսարքությունը։