ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ

Ընդդիմադիրների ամենօրյա «կենցաղը»՝ դատարաններից մինչև կալանավայրեր. ինչպե՞ս սահմանափակել կալանքի համատարած կիրառումը. «Փաստ»

ՄԱՄՈՒԼԻ ՏԵՍՈՒԹՅՈՒՆ

«Փաստ» օրաթերթը գրում է.

 Հայաստանյան ներքաղաքական իրականության մեջ դատական պրոցեսները, կալանավորումներն ու տարբեր խափանման միջոցների կիրառումը վաղուց դարձել են ընդդիմադիր դաշտի և հասարակական-քաղաքական գործիչների ամենօրյա «կենցաղի» անբաժանելի մասը։

Այս շարքի հերթական դրվագով Երևանում շարունակվել է «ՀայաՔվե» ազգային քաղաքացիական միավորման համակարգող Ավետիք Չալաբյանի գործով դատական նիստը, որի ընթացքում վերջինս մանրամասն ներկայացրել է իր դիրքորոշումը ՌԴ դեսպանատան աշխատակցի հետ ունեցած հանդիպման և իրեն առաջադրված մեղադրանքների վերաբերյալ՝ հայտարարելով, որ մեղադրանքը «ծայրից ծայր սուտ է» և բացարձակապես մտացածին։

Ըստ մեղադրանքի, Չալաբյանն այդ հանդիպմանը գնացել է ընտրողների ազատ կամարտահայտման իրավունքի իրականացմանը խոչընդոտելու նպատակով։ Սակայն նրա խոսքով՝ մեղադրանքում իրականությանը համապատասխանում է միայն 2026 թվականի փետրվարի 4-ին Երևանի ռեստորաններից մեկում տեղի ունեցած հանդիպման փաստը (ընդ որում՝ նախկինում սխալմամբ պնդվել է, թե այն տեղի է ունեցել Ռուսաստանում)։ Չալաբյանը պարզաբանել է, որ ՌԴ դեսպանատան առաջին քարտուղար Ալեքսանդր Մալիշևի հետ կյանքում ընդամենը մեկ անգամ է հանդիպել։ Հունվարի սկզբին իրեն փոխանցվել էր դեսպանի շնորհավորական բացիկը, իսկ հունվարի վերջին առաջարկ է եղել հանդիպելու առաջին քարտուղար Ալեքսանդր Մալիշևի հետ՝ պարզապես ծանոթանալու և սուրճ խմելու նպատակով։

30-40 րոպե տևած հանդիպման ընթացքում նրանք զրուցել են ընդհանուր թեմաների շուրջ՝ դիտորդական առաքելությունների, ընտրությունների թափանցիկության և Հայաստան-Ռուսաստան հարաբերություններում առկա լարվածությունը թուլացնելու հնարավորությունների մասին։

Չալաբյանը հստակեցրել է, որ որևէ քաղաքական ուժի կամ կոնկրետ գործընթացի մասին խոսք չի եղել, իսկ «Ուժեղ Հայաստան» դաշինքին սատարելու կամ ընտրություններին միջամտելու վերաբերյալ պնդումներն անհիմն են, քանի որ փետրվարի սկզբին նման դաշինքներ և համագործակցություններ դեռևս գոյություն չունեին. համագործակցության հուշագրերը ստորագրվել են ավելի ուշ՝ փետրվարի վերջին և ապրիլի վերջին։ Հատկանշական է, որ այս մեկ անմեղ խոսակցության համար Ավետիք Չալաբյանը երկու ամիս է անցկացրել կալանավայրում։

Նիստի ընթացքում քննարկվել է նաև տեսագրության զննության և թարգմանչի ներգրավման հարցը։ Դատական նիստից հետո լրագրողների հետ զրույցում Չալաբյանը հայտարարել է, որ դատարանում հետազոտված ապացույցները ցույց են տվել՝ որևէ իրական ապացույց գոյություն չունի, գործում չկան ո՛չ վկաներ, ո՛չ էլ տուժողներ, ուստի դատախազությանը կոչ է արել կարճել քրեական վարույթը։ Նրա խոսքով՝ մեղադրանքի հիմքում դրված ձայնագրության մեջ որևէ հանցակազմի հատկանիշ առկա չէ, դա վերացական ու ենթադրական բնույթի խոսակցություն է, իսկ նախաքննական մարմինը կիրառել է «ծաղկաքաղի» տեխնոլոգիա՝ 35-40 րոպեանոց հանդիպումից առանձնացնելով և իրար կպցնելով 4 րոպեանոց հատվածներ՝ արհեստական տպավորություն ստեղծելու համար։ Անդրադառնալով հանցագործության մասին հաղորդում ներկայացրած Ռուզան Ավագիմյանին՝ Չալաբյանը նշել է, որ անձամբ չի ճանաչում նրան, սակայն կարծում է, որ հաղորդումը ներկայացվել է Դանիել Իոաննիսյանի հանձնարարությամբ։

 Ի դեպ, հենց խափանման միջոցների և կալանքների համատարած կիրառման խնդրին դատական նիստի նախօրեին Ավետիք Չալաբյանն անդրադարձել էր նաև ԱԺ «Հայաստան» խմբակցության նախաձեռնած՝ ժողովրդավարության հետընթացի և քաղաքական հետապնդումների վերաբերյալ խորհրդարանական լսումների ժամանակ։ Իր ելույթում նա ընդդիմադիր խմբակցություններին առաջարկել էր օգտվել պատգամավորների ընդհանուր թվի առնվազն մեկ հինգերորդի իրավունքից և դիմել Սահմանադրական դատարան՝ վիճարկելու կալանքի կիրառումը կարգավորող Քրեական դատավարության օրենսգրքի 118-րդ հոդվածի սահմանադրականությունը։ Չալաբյանն ընդգծել էր, որ Հայաստանում ազատությունից զրկված անձանց 48 տոկոսը կալանավորվածներ են, որոնց նկատմամբ դեռևս մեղադրական դատավճիռ չկա, մինչդեռ եվրոպական միջին ցուցանիշը 25 տոկոս է, իսկ հարևան երկրներում վիճակն անհամեմատ ավելի բարվոք է։ Նրա գնահատմամբ՝ գործող օրենսդրական ոչ հստակ կարգավորումները դատարաններին թույլ են տալիս կալանք կիրառել առանց բավարար փաստական հիմնավորումների, ինչը կարող է հակասել Սահմանադրությամբ ամրագրված որոշակիության և համաչափության սկզբունքներին, ուստի ընդդիմությունը կարող է թե՛ ՍԴ դիմելով, թե՛ օրենսդրական նախաձեռնությամբ սահմանափակել կալանքի համատարած կիրառումը՝ չսպասելով իշխանափոխության։

Մանրամասները՝ «Փաստ» օրաթերթի այսօրվա համարում

Historical Dates ՊԱՏՄՈՒԹՅԱՆ ԱՅՍ ՕՐԸ
The Second Khachaturian International Youth Competition Concludes at China National Opera House Under the Artistic Direction of Sergey SmbatyanApplications Now Open: Armenian Virtuosos International Academy-Festival 2027Young Musicians of the “Armenian Virtuosos” Program Perform in the COP17 Dmitry Ishkhanov Opens the New Steinway’s Concert Life in Pardubice Sergey Smbatyan’s Music for Future Foundation and the Lang Lang International Music Foundation Invite Young Pianists to Apply for the Prestigious Lang Lang Young Scholars ProgramThe Unprecedented Educational Summer of the 'Armenian Virtuosos'“Armenian Virtuosos” Scholarship Recipients Take the Stage at the 4th International Festival of Youth Orchestras of the WorldNew Achievements in Europe: "Armenian Virtuosos" Scholarship Recipients Embark on Educational Trips to Prestigious Music AcademiesScholarship recipients of the “Armenian Virtuosos” Program participated in the Järvi Academy and Pärnu Music Festival in Estonia, representing Armenia on the international stageInternational Children’s Day with EU and “Armenian Virtuosos”Tech Innovator and Winemaker Adam Kablanian Joins the Board of Trustees of the “Music for Future” FoundationLusine Yeghiazaryan joins the Board of Trustees of the Music for the Future FoundationYoung Musician from the “Born in Artsakh” Program, Arsen Safaryan, Performed at the Anniversary Concert of the “Artis Futura” Foundation with the Moscow “Russian Philharmonia” Symphony OrchestraYoung Musicians of the “Born in Artsakh” Program Bring the Voice of Artsakh to MoscowThe Sound of Artsakh in the USAEducational Trip and First U.S. Concert of the Music for Future Foundation’s Young MusiciansEmpowering the Next Generation of Armenian Talents: “Music for Future” Foundation’s First Concert in the U.S.DIALOG Organization - Partner of the “Born in Artsakh” ProgramDIALOG Organization - Partner of the “Born in Artsakh” Program“Past”: A Publicly Funded Concert for the Privileged Few? With a Mission to Preserve Armenian Heritage: AraratBank Sponsors the "Artsakh" Orchestra Concert Ardshinbank Donates 120 Million AMD to the Hayastan All-Armenian FundAndron Participates in the Tomorrow Mobility World Congress 2024: Driving Innovation in E-MobilityKhachaturian International Youth Competition launched in China with performance by “Music for Future” Foundation’s Cellist Mari HakobyanNew promotion from AMIO BANK for international SWIFT transfers Shtigen Group is Ready to Support the Development of the Capital Market in Armenia 100% shares of Instigate Semiconductor CJSC is now owned by Microchip Technology inc.Exclusive evening on March 1
Most Popular