Brent-ն էժանացել է՝ մեկ բարելի դիմաց հասնելով 91,55 դոլարի
ՏՆՏԵՍՈՒԹՅՈՒՆՀինգշաբթի առավոտյան նավթի գները նվազում են՝ նախորդ օրվա աճից հետո։
Լոնդոնի ICE Futures բորսայում Brent-ի հունվարյան ֆյուչերսներն էժանացել են 1,21 դոլարով (1,3%)՝ մեկ բարելի դիմաց հասնելով 91,55 դոլարի։ Չորեքշաբթի Brent-ը թանկացել էր 1,27 դոլարով (1,39%)՝ մեկ բարելի դիմաց հասնելով 92,76 դոլարի։
Նյու Յորքի NYMEX ապրանքային բորսայի էլեկտրոնային առևտրում WTI-ի դեկտեմբերյան ֆյուչերսներն էժանացել են 0,99 դոլարով (1,14%)՝ մեկ բարելի դիմաց հասնելով 85,54 դոլարի։ Նախորդ առևտրային նստաշրջանի ընթացքում դրանց գինն աճել է 0,49 դոլարով (0,57%)՝ մեկ բարելի դիմաց հասնելով 86,53 դոլարի։