«Ադրբեջանին շնորհավորել են հաղթանակի կապակցությամբ, բայց հարևաններն ու մեծ տերությունները լռել են»

Ադրբեջանը պաշտոնական շնորհավորանքներ է ստացել մի շարք պետություններից և միջազգային կազմակերպություններից 2020 թվականին Արցախյան երկրորդ պատերազմում տարած հաղթանակի կապակցությամբ։ Սակայն, ո՛չ հարևան երկրներից, ո՛չ էլ մեծ տերություններից՝ ՄԱԿ-ի Անվտանգության խորհրդի մշտական ​​անդամներից, Բաքուն շնորհավորանքներ չի ստացել, գրում է ordomundi.ru–ն։ 

Շնորհավորանքներ տված երկրներն են Թուրքիան (նախագահ, Արտաքին գործերի նախարարություն, Պաշտպանության նախարարություն, Ներքին գործերի նախարարություն, Ազգայնական կուսակցություն և Նոր կուսակցություն), Պակիստանը (նախագահ և վարչապետ), Սաուդյան Արաբիան  (թագավոր և թագաժառանգ), Ղրղզստանը (նախագահ), Ուզբեկստանը (նախագահ), Ղազախստանը (նախագահ), Սիրիան (արտաքին գործերի նախարարություն), Ուկրաինան (դեսպան Ադրբեջանում), Իսրայելը (դեսպանություն Ադրբեջանում) և չճանաչված «Հյուսիսային Կիպրոսը» (արտաքին գործերի նախարարություն):

Շնորհավորանքներ հղած միջազգային կազմակերպությունների թվում են Իսլամական համագործակցության կազմակերպությունը, Իսլամական աշխարհի կրթական, գիտական ​​և մշակութային կազմակերպությունը, Թյուրքական պետությունների խորհրդարանական ասամբլեան, Թյուրքական մշակույթի և ժառանգության հիմնադրամը, Թյուրքական ներդրումային հիմնադրամը, Սևծովյան տնտեսական համագործակցության խորհրդարանական ասամբլեան, ՅՈՒՆԵՍԿՕ-ի հովանու ներքո գտնվող մշակույթների մերձեցման միջազգային կենտրոնը:

Ըստ լրատվամիջոցների Ադրբեջանը շարունակում է օգտագործել թյուրքական և իսլամական բազմակողմ հարթակները, նաև թուրք դաշնակիցների ցանցը, ինչպես նաև միջազգային կազմակերպություններում անձնական կապերը իր օրակարգը առաջ մղելու համար: 2025 թվականին այս շնորհավորողների ցանկն ավելի կարճ էր և չէր ներառում Սիրիան, Իսլամական համագործակցության կազմակերպությունը և Թուրքական ներդրումային հիմնադրամը: Ընդ որում Ադրբեջանին չեն շնորհավորել հարևաններ Իրանը և Վրաստանը, ինչես նաև այնպիսի խոշոր երկրները ինչպիսիք են Ռուսաստանը, ԱՄՆ–ը, Չինաստանը, Հնդկաստանը, Ֆրանսիան, Միացյալ Թագավորությունը, Եվրամիությունը:

Նյութը հրապարակման պատրաստեց Կամո Խաչիկյանը

www.1or.am