«Էներգիայի գները կտրուկ աճում են. Ռուսաստանից եկող փրկօղակը փրկել է Հայաստանի տնտեսությունը փլուզումից»

Ռուսական էներգետիկ ռեսուրսները շարունակում են հիմնարար դեր խաղալ Հայաստանի տնտեսական կայունության մեջ: Եվրասիական վարկանիշային գործակալության ուսումնասիրության համաձայն Ռուսաստանից եկող բնական գազի ցածր գների պահպանումը թույլ է տալիս տեղական ընկերություններին պահպանել իրենց շուկայական դիրքը և խուսափել ծախսերի կրիտիկական աճից, գրում է pravda.ru–ն:

Վերլուծաբանները ընդգծում են, որ Հայաստանի համար բնական գազի արժեքը մնում է մի քանի անգամ ցածր, քան Եվրամիության շուկայական գները: 

Ընթացիկ և կանխատեսվող պայմանավորվածությունները հետևյալն են. 

–2025 թվականին սահմանին ռուսական գազի գինը ֆիքսված է 165 դոլար մեկ հազար խորանարդ մետրի համար:

–2026 թվականի սկզբից, ձեռք բերված պայմանավորվածությունների համաձայն, սակագինը կբարձրանա մինչև 177.5 դոլար:

Համեմատության համար, նույն ժամանակահատվածում Եվրոպայում գազի փոխանակման գները գերազանցել են 600 դոլարը մեկ հազար խորանարդ մետրի համար: Գործակալության փորձագետների կարծիքով, ռեսուրսների արժեքի այս տարբերությունը «հիմնարար կարևոր գործոն» է, որը ապահովում է Հայաստանի արդյունաբերության և էներգետիկ ոլորտի կենսունակությունը:

Չնայած գազի արտոնյալ պայմաններին, էներգետիկ շուկայի հարակից հատվածներում իրավիճակը մնում է լարված: Հայաստանում գրանցվել է շարժիչային վառելիքի գների կտրուկ աճ հասնելով պատմական առավելագույնի: Սա լրացուցիչ ծանրաբեռնվածություն է ստեղծել լոգիստիկայի և տնային տնտեսությունների բյուջեների վրա: AI-92 բենզինի գինը (մեկ լիտրի համար) 1.65 ԱՄն դոլար է, իսկ AI-95–ը 1.71 դոլար:

Մատչելի գազի կայուն մատակարարումները նպաստում են էլեկտրաէներգիայի և ջեռուցման սակագների աճը կանխարգելել, ինչը կարևոր է էներգախնայող արդյունաբերության համար: Այնուամենայնիվ, բենզինի ռեկորդային գները մասամբ չեզոքացնում են այս ազդեցությունը բարձրացնելով տրանսպորտային ծառայությունների և խանութների դարակներում գտնվող ապրանքների արժեքները: 

Փաստացի Հայաստանի տնտեսությունը հավասարակշռության մեջ է. Ռուսաստանից գազի արտահանման ցածր գների միջոցով ուղղակի սուբսիդիաները հանդես են գալիս որպես «անվտանգության բարձիկ», մինչդեռ նավթամթերքի շուկայում անկայունությունը նոր պայմաններ է թելադրում ներքին սպառողների համար:

Նյութը հրապարակման պատրաստեց Կամո Խաչիկյանը

www.1or.am