«Գենետիկական աղբ ԵՄ-ի համար». Հայաստանը կարող է աղքատանալ ԵԱՏՄ-ից խզման պատճառով

Եվրասիական տնտեսական միության (ԵԱՏՄ) հետ կապերի խզումը կհանգեցնի Հայաստանի համար հսկայական տնտեսական կորուստների, news.ru-ին ասել է Պետդումայի ԱՊՀ հարցերով հանձնաժողովի նախագահի առաջին տեղակալ Վիկտոր Վոդոլացկին։ Նրա խոսքով հանրապետությունը կարող է պարզապես աղքատանալ։

«Հայաստանը կկորցնի իր համախառն ներքին արդյունքի մեծ տոկոսը. դա կաղքատի երկիրը և նրա քաղաքացիներին, դա կքանդի նրա ինքնիշխան տնտեսությունը։ Եվ շատ խնդիրներ կհասցնեն Հայաստանին գոյատևման եզրին», - ընդգծել է նա։

Վոդոլացկին հիշեցրել է, որ Ռուսաստանը և Հայաստանը վաղեմի բարեկամական հարաբերություններ ունեն։ Հետևաբար, նրա խոսքով, Մոսկվան ցանկանում է, որ հայ ժողովուրդը տեղյակ լինի այն հետևանքների մասին, որոնք կարող են սպասվել նրանց ՀՀ վարչապետ Նիկոլ Փաշինյանի որոշումների պատճառով։

«Մենք ուզում ենք, որ մարդիկ հասկանան Փաշինյանի ազգն ու պետությունը կործանման տանելու որոշման հետևանքները, ինչպես դա արեցին Ուկրաինան, Մոլդովան և Եվրամիությանը միանալ ցանկացող այլ երկրներ։ Նրանք տարիներ շարունակ սպասում են հերթում, նրանց մուտքը թույլ չեն տալիս, քանի որ նրանք պարզապես գենետիկ թափոններ են ԵՄ-ի համար», - ընդգծել է պատգամավորը։

Ավելի վաղ Եվրասիական միջկառավարական խորհրդի անդամները զեկույց էին ներկայացրել Հայաստանի ԵԱՏՄ-ի հետ կապերի խզման հետևանքների վերաբերյալ։ Փաստաթղթում նշվում է, որ Երևանի հանրապետության նորմերը ԵՄ կանոնակարգերին մոտեցնելու ցանկությունը վտանգի է ենթարկում ապրանքների, ծառայությունների, կապիտալի և աշխատուժի ընդհանուր շուկան։

Նյութը հրապարակման պատրաստեց Կամո Խաչիկյանը

www.1or.am