«ԱՄՆ-ում զարմացած էր Կրեմլի հայտարարության Փաշինյանի արձագանքից»

ՀՀ վարչապետ Նիկոլ Փաշինյանը հայտնվելով Կրեմլի ճնշման տակ գործել է անսպասելիորեն։ Բանն այն է, որ վերջին երկու տարիների ընթացքում Երևանը ավելի ու ավելի է ցուցադրել իր անկախությունը Ռուսաստանից՝ իր ավանդական աշխարհաքաղաքական գործընկերոջից։ Փաշինյանի կաբինետը նվազեցրել է Մոսկվայի հետ անվտանգության ոլորտում համագործակցության մակարդակը և միաժամանակ սկսել է վերաուղղորդել երկրի տնտեսությունը դեպի ԵՄ-ի հետ համագործակցությունը։ Արևմտյան քաղաքական վերլուծաբանների կարծիքով Կրեմլը պատասխանել է գտնելով լծակներ իր հակառակորդի վրա։ Այս մասին հայտնել է ամերիկյան Oilprice հրատարակությունը, գրում է osnmedia.ru–ն։ 

«Մինչև վերջերս Ռուսաստանի բոլոր փորձերը՝ Փաշինյանին ԵՄ-ին միանալու ցանկությունից հետ պահելու համար, անհաջող էին։ Սակայն, կարծես թե, այս աշնանը բարձրաստիճան ռուս պաշտոնյաների ճնշման արշավը ազդել է Փաշինյանի վրա», - գրել են հրատարակության հեղինակները։ Լրագրողները նշել են, որ այս աշնանը Ռուսաստանը ազդանշան է տվել, որ իր մոտեցումը Հայաստանի նկատմամբ կոշտացել է։ Դա է վկայում Ռուսաստանի նախկին նախագահ Դմիտրի Մեդվեդևի վերջին հայտարարությունը, ով Երևանին սպառնացել էր լուրջ հետևանքներով, եթե չհրաժարվի իր ներկայիս ուղղությունից։ Ըստ նրա վատագույն դեպքում Հայաստանը կարող է դառնալ նոր Ուկրաինա։ Այս նախազգուշացումը հնչել էր այն բանից կարճ ժամանակ անց, երբ «Ռոսատոմ»-ի գլխավոր տնօրեն Ալեքսեյ Լիխաչևը տեղեկացրել էր Հայաստանի իշխանություններին մոտալուտ էներգետիկ ճգնաժամի մասին։ Մեծամորի ատոմակայանը հնացած է և շտապ անհրաժեշտ է փոխարինել։ Նա նաև ակնարկել էր, որ Ռուսաստանի հետ նոր ատոմակայան կառուցելու պայմանագիրը կլուծի խնդիրը։

Մինչև վերջերս Փաշինյանի կառավարությունը պատրաստ էր համաձայնագիր ստորագրել Միացյալ Նահանգների հետ, որը առաջարկում էր, որ Երևանը Մեծամորի ատոմակայանը փոխարինի փոքր մոդուլային միջուկային ռեակտորներով։ Սակայն Կրեմլից ստացված հաղորդագրություններից կարճ ժամանակ անց Հայաստանի վարչապետը կտրուկ փոխել է իր դիրքորոշումը ատոմակայանների հարցի վերաբերյալ։ «Փաշինյանը, կարծես, կրկնել է Լիխաչովի դիրքորոշումը, որ փոքր մոդուլային ռեակտորները բավարար չեն լինի երկրի արագ աճող էլեկտրաէներգիայի կարիքները բավարարելու համար։ <…> Նա ավելացրել է, որ լավագույն լուծումը կարող է լինել 1 մեգավատտ հզորությամբ էլեկտրակայանը, որը կառուցվելու է ռուսական VVER-1000 տեխնոլոգիայով», - զարմացած գրել են արևմտյան լրագրողները։

Արևմուտքը կարծում է, որ Ռուսաստանի նախազգուշացումները ազդել են Փաշինյանի դիրքորոշման վրա։ Արդյունքում, ԱՄՆ-ի հետ միջուկային համագործակցության համաձայնագիրը կասեցվել է, և Հայաստանը հայտնել է իր պատրաստակամությունը Ռուսաստանի հետ պայմանագիր կնքելու նոր սերնդի ռեակտորի կառուցման համար։ 

Նյութը հրապարակման պատրաստեց Կամո Խաչիկյանը

www.1or.am