Ուկրաինացի երգչուհին իր երևանյան համերգի ժամանակ ամաչեցրել է Փաշինյանին

Երբեմնի հայտնի ռուսական «ՎԻԱ Գրա» խմբի նախկին վոկալիստ Սվետլանա Լոբոդան ոչ միայն երգել է հայերեն երգ երևանյան համերգի ժամանակ առաջացնելով տեղի հանդիսատեսի խառը արձագանքը, այլ նաև կարճ ժամանակով հարվածային գործիքներ է նվագել։ Երգչուհին իր ելույթի տեսանյութը հրապարակել է իր սոցիալական ցանցերի էջում, գրում է eadaily.com–ը։

Տեսանյութում արտիստը նստած է հարվածային գործիքների մոտ և մի քանի րոպե կատարում է սոլո զգալի վարպետությամբ։ Նա վստահորեն է նվագում այդ գործիքը 2009 թվականի «Եվրատեսիլ» երգի մրցույթից ի վեր, որտեղ «Be My Valentine» երգում նմանատիպ հարվածային գործիքների բաժին է ներկայացված։ Սակայն անհնար է որոշել, թե արդյո՞ք միայն նրա հարվածային գործիքներն են կատարվում, թե՞ նախապես ձայնագրված հատված է ուղեկցում նրա ելույթին։ Երևանում հարվածային գործիքներ նվագելը հատկապես խորհրդանշական է, քանի որ ՀՀ վարչապետ Նիկոլ Փաշինյանը հարվածային գործիքներն է ընտրել իր համար որպես հոբբի։ Ավելին, իր երևանյան համերգի ժամանակ երգչուհին հայերենով կատարել է Տիգրան Ժամկոչյանի «Հետդ Կգամ» երգը։ Սակայն արտիստի որոշ երկրպագուներ չեն գնահատել նրա սիրախաղը երևանյան հանդիսատեսի հետ բողոքելով, որ Լոբոդայի հայկական երգի ընտրությունը  լավագույնը չէ։

«Ես չեմ ուզում հեռանալ, այնքան համեղ էր և այնքան շատ գեղեցիկ պատմական վայրեր։ Ես այնքան շատ բանի եմ հասել։ Ես մի փոքր թարմացրի իմ հայերենը և երգ ձայնագրեցի։ Հուսով եմ չեմ փչացրել այն», - մեկնաբանություններում կիսվել է Լոբոդան։

Մի շարք երկրպագուներ դժգոհ են ուկրաինացի աստղի համերգի ժամանակ առաջացած տեխնիկական խնդիրներից, ինչը հանգեցրել էր մի քանի տեխնիկական խափանումների։

«Գոնե ներողություն խնդրեին այն բանի համար, որ մենք ստիպված էինք երեք անգամ 15 րոպե սպասել  խնդիրների պատճառով!!!»,

 «Եվ այն փաստը, որ համերգը սկսվեց մեկ ժամ ուշացումով», «Այդքան շատ զարմանալի հայկական հիթեր, բայց նա ստիպված էր երգել այդ անհեթեթությունը», «Նրա ամենավատ երգը», «Երգը լավագույնը չէր», - բողոքել են որոշ երկրպագուներ։

Միևնույն ժամանակ, շատ երկրպագուներ ընդգծել են իրենց ուրախությունը Լոբոդայի համերգի կապակցությամբ գովաբանելով երգչուհու էներգիան և համերգային մթնոլորտը, ինչպես նաև գնահատելով նրա հարվածային գործիքներ նվագելու կատարումը։

Նյութը հրապարակման պատրաստեց Կամո Խաչիկյանը

www.1or.am