Իրանը նշել է Հորմուզի նեղուցի բացման վեց պայման
ՄԻՋԱԶԳԱՅԻՆ
Իրանի ազգային անվտանգության բարձրագույն խորհրդի քարտուղար Մոհամադ Բաղեր Զոլղադրը հայտնել է, որ Հորմուզի նեղուցը փակ կմնա այնքան ժամանակ, քանի դեռ ԱՄՆ-ը չի փոխել իր քաղաքականությունը և չի կատարել Թեհրանի պահանջները, հաղորդել է Mehr-ը։
Նրա խոսքով՝ Վաշինգտոնը պետք է «ուղղի իր վարքագիծը», նախքան Իրանը կհամաձայնի բացել ռազմավարական ջրային ուղին։
Մասնավորապես, ըստ Զոլղադրի՝ խոսքը հետևյալ վեց պայմանների մասին է.
- դադարեցնել Իրանի գերագույն առաջնորդի հասցեին հնչող սպառնալիքները,
- ԱՄՆ-ի կողմից Իրանի և նրա տարածաշրջանային դաշնակիցների դեմ ռազմական գործողություններից լիակատար և մշտական հրաժարում,
- Իրանի շրջափակմանը մասնակցող ամերիկյան ռազմածովային և ռազմաօդային ուժերի դուրսբերում,
- Իրանի նկատմամբ վերջին հակամարտությունների հետևանքով պատճառված վնասի փոխհատուցում,
- ամերիկյան պատժամիջոցների վերացում,
- Իրանի սառեցված ակտիվների ապասառեցում և վերադարձ Իրանին։
Իրանը պահանջում է դադարեցնել երկրի գերագույն առաջնորդի հասցեին հնչող սպառնալիքները, ընդմիշտ կանգնեցնել Իրանի և նրա տարածաշրջանային դաշնակիցների դեմ ռազմական գործողությունները, դուրս բերել Իրանի շրջափակմանը մասնակցող ամերիկյան ռազմածովային և ռազմաօդային ուժերը, ինչպես նաև փոխհատուցել Թեհրանին վերջին հակամարտությունների հետևանքով հասցված վնասը։
Բացի այդ, Թեհրանը պահանջում է վերացնել ամերիկյան պատժամիջոցները և ապասառեցնել իրանական ակտիվները։
Զոլղադրը հայտնել է, որ այս պահանջներն արտացոլում են իրանցի ժողովրդի կամքը, ինչի մասին, նրա խոսքով, վկայում են վերջին վեց օրերի ընթացքում երկրում անցկացվող զանգվածային ակցիաները։
«Ազգային անվտանգության բարձրագույն խորհուրդը չի նահանջի այս պահանջներից՝ ո՛չ պատերազմի պայմաններում, ո՛չ էլ բանակցությունների ընթացքում», — հայտնել է Զոլղադրը։
