Քաղաքագետը հնարավոր է համարում Ռուսաստան-Հայաստան համագործակցության վերանայումը Միշուստինի և Փաշինյանի հանդիպումից հետո

Ռուսաստանի վարչապետ Միխայիլ Միշուստինի հետ հանդիպման ժամանակ ՀՀ վարչապետ Նիկոլ Փաշինյանը, հավանաբար, ստիպված է եղել պարզաբանել Երևանի դիրքորոշումը ՀԱՊԿ-ում իր շարունակական մասնակցության վերաբերյալ։ Քաղաքագետ Սերգեյ Ստանկևիչն է նման կարծիք հայտնել է «Աբզաց»-ին տված իր հարցազրույցում, գրում է readovka.news–ը։

Մասնագետի խոսքով Ռուսաստանի նախագահ Վլադիմիր Պուտինը բազմիցս ընդգծել է, որ Հայաստանը պետք է որոշի ՀԱՊԿ-ի հետ իր հարաբերությունների ապագա ձևաչափը։ Ստանկևիչը կարծում է, որ եթե Երևանը շարունակի մերձեցումը Արևմուտքի հետ պահպանելով Մոսկվայի հետ համագործակցության առավելությունները, ապա դա կարող է բարդացնել երկկողմ հարաբերությունները։

Ստանկևիչը ենթադրել է, որ Փաշինյանը կփորձի բանակցությունները կենտրոնացնել առևտրատնտեսական համագործակցության վրա, սակայն կարծում է, որ ՀԱՊԿ-ում Հայաստանի ապագայի հարցը դեռ կբարձրացվի։ Մասնագետը կարծում է, որ կողմերը քննարկել են ամենազգայուն հարցերը փակ դռների հետևում։ Ավելի վաղ ՀՀ վարչապետը հայտարարել էր, որ հանրապետությունը ճգնաժամ չի փնտրում Ռուսաստանի հետ հարաբերություններում, բայց բացառել էր ԵՄ-ի հետ մերձեցումից հրաժարվելու հնարավորությունը։

Նյութը հրապարակման պատրաստեց Կամո Խաչիկյանը

www.1or.am