Ինչո՞ւ են պսակադրության ժամանակ փեսան ու հարսը երեք անգամ ասում` տեր եմ և հնազանդ եմ. պարզաբանում է քահանան
ՄՇԱԿՈՒՅԹ1. Ինչո՞ւ են հարսանեկան արարողությունների ժամանակ քահանայի սկուտեղի մեջ փող դնում: Դա վարձատրություն է քահանային, թե՞ արվում է ուղղակի մարդկանց ցանկությամբ: Կարո՞ղ է արդյոք պսակադրությունն իրականացվել առանց դրամի:
2. Ինչո՞ւ են պսակադրության ժամանակ փեսան ու հարսը երեք անգամ ասում` տեր եմ և հնազանդ եմ:
3. Ինչո՞ւ Հայ Առաքելական եկեղեցին կին հոգևորական չունի: Ամենուրեք հայտարարվում է, թե Աստծո առաջ բոլորը հավասար են: Բայց հենց հերթը հասնում է եկեղեցուն, ապա հենց այստեղից էլ սկսվում է տղամարդկանց և կանանց անհավասարությունը:
Այս հարցին պատասխանել է Երևանի Սուրբ Երրորդություն եկեղեցու հոգևոր հովիվ, Տեր Եսայի քահանա Արթենյանը. տեղեկացնում է qahana.am կայքը։
«Ընդհանրապես մենք այսօր սխալ ենք հասկանում «տեր» և «հնազանդ» բառերի իմաստը։ Մարդիկ պատկերացնում են, թե փեսան «տեր եմ» ասելով պետք է հրամաններ տա, իսկ հարսը հնազանդորեն կատարի դրանք։ Սա աղավաղումն է պսակի խորհրդի, որովհետև մենք սա առանձնացնում ենք պսակի ամբողջ արարողությունից»,-նշել է քահանան։
