«Ռեալը» հետաքրքրված է Մարոկկոյի ազգային հավաքականի կիսապաշտպան Այուբ Բուադիի ծառայություններով

Մադրիդի «Ռեալը» լրջորեն հետաքրքրված է ֆրանսիական «Լիլի» և Մարոկկոյի ազգային հավաքականի 18-ամյա կիսապաշտպան Այուբ Բուադիի ծառայություններով։ Այս մասին հայտնում է է Sky Sport Germany-ն։

Աղբյուրի տեղեկություններով՝ երիտասարդ ֆուտբոլիստը եվրոպական գրանդների, այդ թվում՝ «արքայական» ակումբի ուշադրությունը գրավել է 2026 թվականի աշխարհի առաջնության խմբային փուլի առաջին տուրում Բրազիլիայի դեմ անցկացրած տպավորիչ հանդիպումից հետո (1-1)։ Այդ խաղում Բուադին աչքի է ընկել բարձր արդյունավետությամբ և հասուն խաղով. նա կատարել է 66 փոխանցում, որոնցից 60-ը եղել են ճշգրիտ։

Ըստ տեղեկությունների՝ «Լիլը» պատրաստ է քննարկել խոստումնալից կիսապաշտպանի տրանսֆերի վերաբերյալ առաջարկները միայն այն դեպքում, եթե դրանք գերազանցեն 70 միլիոն եվրոն։

Նախորդ մրցաշրջանում Բուադին «Լիլի» կազմում բոլոր մրցաշարերում մասնակցել է 42 հանդիպման՝ դառնալով մեկ գոլային փոխանցման հեղինակ։ Ֆուտբոլիստի գործող պայմանագիրը ֆրանսիական ակումբի հետ նախատեսված է մինչև 2029 թվականի ամառը։ Չնայած «Լիլի» պահանջած բարձր գնին, Transfermarkt պորտալի տվյալներով՝ ֆուտբոլիստի ներկայիս տրանսֆերային արժեքը գնահատվում է 50 միլիոն եվրո։