Թունիսի հավաքականը նոր գլխավոր մարզիչ ունի. պաշտոնական

Ֆրանսիացի մասնագետ Էրվե Ռենարը, ով նախկինում գլխավորում էր Սաուդյան Արաբիայի ազգային թիմը, նշանակվել է Թունիսի հավաքականի գլխավոր մարզիչ: Այս մասին պաշտոնապես հայտարարել է Թունիսի ֆուտբոլի ֆեդերացիան:

ԱԱ-2026-ի խմբային փուլի առաջին խաղում Թունիսի ընտրանին 1:5 հաշվով ջախջախիչ պարտություն էր կրել Շվեդիայի հավաքականից, ինչից հետո թիմի նախկին գլխավոր մարզիչ Սաբրի Լյամուշին հեռացվել էր զբաղեցրած պաշտոնից։

«Թունիսի ֆուտբոլի ֆեդերացիան հայտարարում է Էրվե Ռենարին ազգային հավաքականի գլխավոր մարզիչ նշանակելու մասին՝ մինչև 2026 թվականի աշխարհի առաջնության ավարտը։ Նա իր պարտականությունների կատարմանը կանցնի արդեն այսօր։ Համաձայնագիրը նաև նախատեսում է բանակցությունների սկիզբ աշխարհի առաջնությունում ելույթներն ավարտելուց հետո՝ հստակ մարզական նպատակների վրա հիմնված երկարաժամկետ համագործակցության շուրջ»,- նշված է ֆեդերացիայի մամուլի ծառայության տարածած պաշտոնական հաղորդագրության մեջ։

Հավելենք, որ Թունիսի հավաքականն ԱԱ-2026-ի շրջանակներում իր հաջորդ հանդիպումը կանցկացնի հունիսի 21-ին՝ ուժերը չափելով Ճապոնիայի ազգային թիմի հետ։