Հայաստանը՝ շախմատի վետերանների աշխարհի փոխչեմպիոն

Գերմանիայում ավարտված շախմատի աշխարհի վետերանների թիմային առաջնությունում Հայաստանի հավաքականը զբաղեցրել է երկրորդ տեղը:

Վերջին՝ 9-րդ տուրում հայկական թիմը 2.5:1.5 հաշվով հաղթել է գերմանական «Էմանուել-Լասկերին» եւ վաստակել թիմային 26 միավոր:

Նույնպիսի արդյունք է գրանցել նաեւ չեմպիոնի տիտղոսը նվաճած Գերմանիայի առաջինին հավաքականը, որը լրացուցիչ ցուցանիշներով է գերազանցել Հայաստանի շախմատիստներին, հայտնում են Հայաստանի շախմատի ֆեդերացիայից: