Նյու Յորքում բեռնանավ է պшյթել․ կա զnh և վիրավnրներ

Նյու Յորքի Սթեյթեն Այլենդի նավաշինարանում տեղի ունեցած պայթյունի և հրդեհի հետևանքով կա 1 զոհ, ավելի քան 30 վիրավոր։ Այս մասին հայտնում է CBS News-ը։

Պաշտոնյաների տվյալներով՝ զոհվածը քաղաքացիական անձ է։ Եվս մեկ քաղաքացիական անձ վիրավորվել է, ինչպես նաև FDNY-ի առնվազն 34 աշխատակից, այդ թվում՝ հրշեջ տեսուչը, ով գտնվում է ծայրահեղ ծանր վիճակում, և մի հրշեջ, ով լուրջ վնասվածքներ է ստացել։

Բոլոր տուժածները շտապ տեղափոխվել են տարածաշրջանի հիվանդանոցներ։

Հրդեհը բռնկվել է Արևելյան ժամանակով մոտավորապես ժամը 15:30-ին՝ նավամատույցի հետնամասում գտնվող մետաղական կառույցի նկուղում։

Հրդեհի վտանգավորության աստիճանն արագորեն բարձրացվել է մինչև երկրորդ մակարդակի, և արտակարգ իրավիճակների արձագանքման թիմերի ժամանումից կարճ ժամանակ անց պայթյուն է որոտացել։

Հրդեհը հաջողվել է հսկողության տակ վերցնել մոտավորապես ժամը 19:20-ին։ Դեպքի վայր է ուղարկվել ավելի քան 200 փրկարար։

Հրդեհի և պայթյունի պատճառն այս պահին դեռ հայտնի չէ։