Մահացել է «Արյունոտ սպորտ» և «Գաղտնի նյութեր» ֆիլմերի դերասանը

72 տարեկանում մահացել է ամերիկացի դերասան Դոնալդ Գիբը։ Այդ մասին TMZ-ին հայտնել է նրա որդին՝ Թրևիս Գիբը։

Գիբը մահացել է 71 տարեկան հասակում՝ առողջական խնդիրների դեմ երկարատև պայքարից հետո։ Մանրամասներ չեն հաղորդվում։ Դերասանի որդին նշել է, որ հայրը սիրում էր Աստծուն, ընտանիքին, ընկերներին և երկրպագուներին։ Նա երկրպագուներին խնդրել է աղոթել դերասանի համար և այս ծանր ժամանակահատվածում չանհանգստացնել ընտանիքին։

Գիբն առավել հայտնի էր Ռեյ Ջեքսոնի դերով «Արյունոտ սպորտ» ֆիլմում։ Դերասանի ֆիլմագրությունը ներառում է ավելի քան 70 աշխատանք։ Նա նկարահանվել է այնպիսի նախագծերում, ինչպիսիք են Հենքոք, Գաղտնի նյութեր, Քվանտային թռիչք, Ա թիմ և Ճանապարհի ասպետ։

Իր տպավորիչ արտաքինի և մարզական կազմվածքի շնորհիվ դերասանը արագորեն պահանջված դարձավ Հոլիվուդում՝ ուժեղ և արտահայտիչ կերպարների դերերի համար։ Նրա կարիերան դարձավ վառ օրինակ, թե ինչպես խարիզմատիկ էկրանային կերպարը կարող է վերածվել փոփ մշակույթի խորհրդանշական ֆենոմենի։