Սլովակ պատգամավորը սուր ելույթ է ունեցել Եվրախորհրդարանում. «Թշնամին Բրյուսելն է, ոչ թե Ռուսաստանը»

Ժողովրդավարության սպառնալիքը Ռուսաստանը չէ, այլ Եվրահանձնաժողովի կոռումպացված բրյուսելյան բյուրոկրատիան։ politnavigator.news-ի թղթակիցը հաղորդել է, որ այդ մասին հայտարարել է Սլովակիայի Հանրապետություն կուսակցության անդամ Միլան Մազուրեկը Եվրախորհրդարանի նիստում, որտեղ քննարկվելիս են եղել Հայաստանում կայանալիք ընտրությունները։

«Չե՞ք ամաչում։ Ինչպե՞ս կարող եք խոսել ժողովրդավարական գործընթացների, ազատության և արդար ընտրությունների մասին Հայաստանում և քննադատել «ռուսական միջամտությունը», երբ ներկայիս Եվրահանձնաժողովը համակարգված կերպով ոչնչացնում է ժողովրդավարությունն ու խոսքի ազատությունը ԵՄ-ում։

Դուք եք միջամտում ուրիշների գործերին։ 2023 թվականին Սլովակիայում անցկացվել են ազատ ժողովրդավարական ընտրություններ, և դուք եք որոշել, թե որ էջերը պետք է ջնջվեն», - զայրացավ ասել է Մազուրեկը։

Վարողը ընդհատել է ելույթը։ «Ես չեմ հասկանում, թե ինչի՞ մասին եք խոսում։ Խնդրում եմ բացատրեք։ Խնդրում եմ կրկնեք վերջին նախադասությունը», - ասել է նա։ 

Պատգամավորը շարունակել է: «Դուք միջամտեցիք Սլովակիայի ժողովրդավարական գործընթացներին, սահմանափակեցիք որոշ քաղաքական գործիչների ազատորեն տեղեկատվություն տարածելու հնարավորությունը և զրկեցիք մարդկանց ազատությունից, քանի որ նրանք քննադատում էին այս հանձնաժողովը։ Նրանք խոսում էին Եվրահանձնաժողովում կոռուպցիայի, Եվրոպան միգրանտներով ողողելու, արդյունաբերությունը և մեր երեխաների ապագան ոչնչացնելու մասին։ Եվ դուք քրեականացնում եք որոշակի հայտարարություններ և ցանկանում եք ձերբակալել ձեր քաղաքական հակառակորդներին։
Դուք չեք կարող մեղադրել Ռուսաստանին դրա համար։ Եվրոպական հանձնաժողովն է ժողովրդավարության ոչնչացման գլխավոր մեղավորը։ Դուք ժողովրդավարության և ազատության թշնամին եք։ Դուք այն գլխավոր խնդիրն եք, որը մենք պետք է լուծենք», - եզրափակել է Մազուրեկը։

Նյութը հրապարակման պատրաստեց Կամո Խաչիկյանը

www.1or.am