Հայաստանին կոչ են արել դուրս չգալ ԵԱՏՄ-ից. «Մեզ ԵՄ–ն չի ողջունում»

ՀՀ արտաքին առևտրի ավելի քան 30%-ը կատարվում է ԵԱՏՄ երկրների, հիմնականում Ռուսաստանի հետ, news.ru-ին ասել է տնտեսագետ և «Մայր Հայաստան» կուսակցության առաջնորդ Անդրանիկ Թևանյանը։ Նա հայտարարել է, որ եվրաինտեգրման պատրվակով Եվրասիական տնտեսական միությունից խզումը  կվնասի հանրապետության տնտեսությանը՝ սկսած գազի գներից մինչև բիզնես։

«ԵԱՏՄ-ից դուրս գալը չի ​​բխում Հայաստանի շահերից, քանի որ եթե նայենք առևտրաշրջանառությանը, ապա Հայաստանի արտաքին առևտրի ավելի քան 30%-ը կատարվում է ԵԱՏՄ-ի, մասնավորապես Ռուսաստանի հետ։ Բնականաբար, եթե խնդիրներ լինեն գազի գների, բիզնեսի և այլնի հետ, ապա այդ ամենը բացասաբար կանդրադառնա Հայաստանի տնտեսության վրա», - ասել է Թևանյանը։

Նա նաև հավելել է, որ հասարակական կարծիքի հարցումները ցույց են տալիս, որ բնակչության մեծամասնությունը դեմ է ԵՏՄ-ին միանալուն։ «Հատկապես նաև այն պատճառով, որ Եվրամիությունում մեզ չեն սպասում», - նշել է Թևանյանը։

Նա վստահություն է հայտնել, որ Հայաստանում կայանալիք ընտրությունները հստակ կցույց տան քաղաքացիների իրական առաջնահերթությունները։

Ավելի վաղ Ռուսաստանի փոխվարչապետ Ալեքսեյ Օվերչուկը հայտարարել էր, որ իր հայ գործընկերները «շատ մոտ են այն կետին, երբ Ռուսաստանը ստիպված կլինի վերակառուցել իր տնտեսական հարաբերությունները այց երկրի հետ»։ Նա հավելել է, որ Երևանի իրական գործողությունների վերլուծությունը կասկածի տակ է դնում ԵԱՏՄ-ին բարեկամության և հավատարմության մասին նրա հավաստիացումների անկեղծությունը։

Նյութը հրապարակման պատրաստեց Կամո Խաչիկյանը

www.1or.am