Թրամփի միգրացիոն հրամանը նորից ուժի մեջ է մտնում

Իրանի, Լիբիայի, Սոմալիի, Սուդանի, Սիրիայի, Եմենի  բնակիչներին թույլ կտան մուտք գործել ԱՄՆ միայն այն դեպքում, եթե այնտեղ ունեն հարազատներ կամ գործնական կապեր: Վեստի.ռու-ի հաղորդմամբ, ԱՄՆ պետդեպարտամենտը նման միջոցառումներ է մտցրել այդ երկրների քաղաքացիների և փախստականների՝ մուտքի վիզա տալու գործընթացում:

Նոր կարգը ուժի մեջ կմտնի մի քանի օրվա ընթացքում: Միաժամանակ արդեն տրված վիզաներն անվավեր չեն ճանաչվել: Նման կարգի ընդունումը կապված է վերջերս Գերագույն դատարանի որոշմամբ, որը մասնակիորեն վերականգնել էր ԱՄՆ նախագահ Դոնալդ Թրամփի միգրացիոն հրամանը:

ԱՄՆ առաջնորդը ցանկանում էր արգելել մի քանի մահմեդական երկրների քաղաքացիների մուտքը երկիր: