Չինաստանը կոչ է անում ԱՄՆ-ին չեղարկել մաքսատուրքերը Գերագույն դատարանի որոշումից հետո
ՄԻՋԱԶԳԱՅԻՆ
Չինաստանը երկուշաբթի օրը հորդորել է Միացյալ Նահանգներին չեղարկել նախագահ Դոնալդ Թրամփի կողմից հայտարարված միակողմանի մաքսատուրքերը այն բանից հետո, երբ ԱՄՆ Գերագույն դատարանը չեղյալ հայտարարեց նրա ձեռնարկած միջոցներից շատերը, հայտնում է Ռոյթերս-ը:
Դատարանը ուրբաթ օրը վեց կողմ և երեք դեմ ձայների հարաբերակցությամբ որոշել է, որ Թրամփը չունի մաքսատուրքեր սահմանելու լիազորություն 1977 թվականի այն օրենքով, որի վրա նա հենվել էր առանձին երկրների նկատմամբ հանկարծակի տուրքեր կիրառելու համար՝ տակնուվրա անելով համաշխարհային առևտուրը։
Թրամփը կատաղի արձագանքեց՝ սկզբում հայտարարելով ներմուծման նոր 10 տոկոսանոց գլոբալ տուրքի մասին՝ հիմնվելով այլ իրավական լիազորության վրա, իսկ շաբաթ օրը բարձրացնելով այն մինչև 15 տոկոս։
Չինաստանի առևտրի նախարարությունը երկուշաբթի հայտարարեց, որ կատարում է դատարանի որոշման ազդեցության համապարփակ գնահատում և Վաշինգտոնին կոչ արեց վերացնել մաքսատուրքերը։
«Չինաստանը հորդորում է Միացյալ Նահանգներին չեղարկել իր առևտրային գործընկերների նկատմամբ կիրառվող միակողմանի մաքսային միջոցները: Առևտրային պատերազմում հաղթողներ չկան, իսկ պրոտեկցիոնիզմը ոչ մի տեղ չի տանում»,- ասված է նախարարության հայտարարության մեջ:
