Մեծ Բրիտանիայում 16 տարեկանից փոքրերի համար սոցցանցերն ու չաթբոտերը կարող են արգելվել․ «The Times»
ՄԻՋԱԶԳԱՅԻՆ
Մեծ Բրիտանիայում 16 տարեկանից փոքր անձանց համար սոցիալական ցանցերին մուտքը կարող է արգելվել արդեն 2026 թվականից, հաղորդել է «The Times»-ը։
Ըստ թերթի՝ սա կարող է տեղի ունենալ արդեն այս ամռանը՝ այս հարցի շուրջ խորհրդակցությունների ավարտից հետո։ Արգելքը կվերաբերի ոչ միայն սոցիալական ցանցերին, այլև չաթբոտերի օգտագործմանը։ Կառավարությունը նաև ցանկանում է պահանջել, որ առցանց հարթակները ժամանակային սահմանափակում սահմանեն երեխաների կողմից անվերջ սքրոլինգով հավելվածներում ծախսելու համար։
Փետրվարի 15-ի երեկոյան կառավարությունը հայտարարեց, որ փետրվարի 16-ին կսկսի «Առցանց անվտանգության մասին» օրենքում փոփոխություններ կատարելու վերաբերյալ անհապաղ օրենսդրական աշխատանքները։ Միացյալ Թագավորության վարչապետ Քեյր Սթարմերի գրասենյակի հայտարարության համաձայն՝ «կառավարությունը արագ կփակի իրավական բացը և կստիպի արհեստական բանականության չաթբոտների բոլոր մատակարարներին կատարել օրենքի համաձայն անօրինական բովանդակության դեմ պայքարի պարտականությունները»։
Այս առումով Սթարմերը մեջբերել է Լոնդոնի «գործողությունը» «Grok» չաթբոտի դեմ։ Վերջինը մշակվել է ամերիկացի միլիարդատեր Իլոն Մասկի «xAI» ընկերության կողմից։ Այս ջանքերը «հստակ ազդանշան են տվել, որ ոչ մի հարթակ ազատ անցում չի ունենա»։ «Այսօր մենք փակում ենք այն բացթողումները, որոնք երեխաներին վտանգի են ենթարկում և հիմք ենք դնում ապագա գործողությունների համար։ Մենք գործում ենք երեխաների բարեկեցությունը պաշտպանելու և ծնողներին օգնելու համար կողմնորոշվել սոցիալական ցանցերի ականապատ դաշտում», - ասվում է Սթարմերի ելույթի հատվածներում։
