Ժնևում հաջորդ շաբաթ կանցկացվեն ԱՄՆ–Իրան բանակցությունները

Շվեյցարիան շաբաթ օրը հայտարարել է, որ Օմանը հաջորդ շաբաթ Ժնևում կանցկացնի բանակցությունները Միացյալ Նահանգների և Իրանի միջև, և Վաշինգտոնը կպնդի, որ Թեհրանը համաձայնագիր կնքի իր միջուկային ծրագրի սահմանափակման վերաբերյալ։

«Շվեյցարիան պատրաստ է ցանկացած պահի իր ծառայություններն առաջարկել՝ ԱՄՆ-ի և Իրանի միջև երկխոսությանը նպաստելու համար», – AFP-ին ասել է Շվեյցարիայի արտգործնախարարության ներկայացուցիչը։

Իրանի արտգործնախարար Աբաս Արաղչին փետրվարի 6-ին Օմանում բանակցություններ է անցկացրել ԱՄՆ դեսպան Սթիվ Ուիթքոֆի և ԱՄՆ նախագահի Դոնալդ Թրամփի ազդեցիկ փեսա Ջարեդ Քուշների հետ։

Բանակցությունները եղել են անուղղակի, և օմանցիները հանդես են եկել որպես միջնորդներ։ Թրամփը վերջերս իր ռազմական սպառնալիքները կենտրոնացրել է Թեհրանի միջուկային ծրագրի վրա, որի շրջանակում ամերիկյան զորքերը հարված էին հասցրել անցած տարվա հունիսին՝ Իսրայելի և Իրանի աննախադեպ 12-օրյա պատերազմի ընթացքում։

Ուրբաթ օրը Թրամփը հայտարարել է, որ իշխանափոխությունը Իրանում կլինի «լավագույնը, ինչ կարող է տեղի ունենալ», և երկրորդ ավիակիրն է ուղարկել Մերձավոր Արևելք՝ ուժեղացնելով ռազմական ճնշումը Իսլամական Հանրապետության վրա։