Իսրայելի արտաքին գործերի նախարարը շնորհավորել է Ադրբեջանին․ ինչ են ասել ԱԳ նախարարները Բաքվում

Իսրայելի արտաքին գործերի նախարար Գիդեոն Սաարը շնորհավորել է Ադրբեջանին ԱՄՆ նախագահ Դոնալդ Թրամփի միջնորդությամբ Հայաստանի հետ հարաբերությունների կարգավորման գործում ձեռք բերված առաջընթացի կապակցությամբ, այս Սաարը հայտարարել Բաքվում Ադրբեջանի արտաքին գործերի նախարար Ջեյհուն Բայրամովի հետ համատեղ մամուլի ասուլիսին։

- Ձեռք բերված արդյունքները հնարավոր են դարձել Ադրբեջանի նախագահ «Իլհամ Ալիևի հավասարակշռված ներքին և արտաքին քաղաքականության շնորհիվ»։

- Հոկտեմբերի 7-ից ի վեր Իրանը որոշակի գործողություններ է ձեռնարկել մեր անկախության դեմ։ ԱՄՆ նախագահը հայտարարել է Իրանի դեմ որոշակի միջոցներ ձեռնարկելու անհրաժեշտության մասին;

- Իրանի ներկայիս ռեժիմը ոչնչացնում է իր սեփական ժողովրդին։ Ի՞նչ վերաբերմունք կարող ենք ակնկալել նրանցից այլ երկրների նկատմամբ։ Մենք չպետք է թույլ տանք, որ միջուկային զենքը հայտնվի նրանց ձեռքում;

- Մենք ցանկանում ենք ներդրումներ կատարել Ադրբեջանում։ Երկու երկրների միջև էներգետիկ համագործակցությունը հատկապես կարևոր է։ SOCAR-ը ձեռք է բերել իսրայելական ընկերության 10% բաժնեմաս։ Սա վստահության և հարաբերությունների զարգացման օրինակ է։ Ադրբեջանում հրեաները միշտ ապրել են խաղաղության մեջ և շարունակում են ապրել խաղաղության մեջ;

«Ադրբեջանա-իսրայելական հարաբերությունները տարեցտարի դրականորեն են զարգանում»,  հայտարարել է Ադրբեջանի արտաքին գործերի նախարար Ջեյհուն Բայրամովը։

«Երկու երկրների միջև հարաբերությունները ներկայումս ռազմավարական են»,- նշել է Բայրամովը։