English
Հայերեն Русский
ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ


Վերջին արցախցիներին վտարեցի՞ն Ստեփանակերտից

ՎԵՐԼՈՒԾՈՒԹՅՈՒՆՆԵՐ
Կիսվել

Երեկ հայտնի դարձավ, որ Ստեփանակերտում բնակվող վերջին հայերը հեռացել են Արցախի մայրաքաղաքից։ Աշխատանքի և սոցիալական հարցերի նախարար Արսեն Թորոսյանը գրառում էր արել՝ նշելով, թե 10 հայ և ազգությամբ ռուս մեկ Հայաստանի քաղաքացի դիմել են Ադրբեջանի և Հայաստանի պատկան մարմիններին՝ Հայաստանի Հանրապետություն տեղափոխվելու խնդրանքով։ «Դիմումների հիման վրա նշված անձինք տեղափոխվել են Հայաստանի Հանրապետություն»,– գրել է Թորոսյանը՝ ընդ որում «Լեռնային Ղարաբաղ» արտահայտությունից հետո փակագծերում նշելով «Ադրբեջանի Հանրապետություն»՝ ըստ էության կրկնելով գործող իշխանության նարատիվը, որ «Արցախն Ադրբեջան է, և վերջ»։

Ավելի ուշ առողջապահության նախարար Անահիտ Ավանեսյանը տեղեկացրեց, որ բոլոր տեղափոխվածները ստացել են բուժզննում․ միայն մեկը հոսպիտալացվել է Գորիսի հիվանդանոցում, իսկ 10 հայրենակիցների առողջական վիճակը բավարար է։ Նույնիսկ Արցախի իշխանություններն ու Արցախի մարդու իրավունքների պաշտպան Գեղամ Ստեփանյանը տեղյակ չէին, թե ովքեր են վերադարձել Հայաստան։ Որոշ անուններ, իհարկե, շրջանառվում էին․ այդ մարդիկ ավելի քան երկու տարի շարունակում էին բնակվել Ստեփանակերտում և Արցախի այլ բնակավայրերում, սակայն կտրականապես հրաժարվում էին վերադառնալ՝ ցանկանալով մնալ իրենց տներում։ Չի բացառվում, որ Ադրբեջանը պարզապես ազատվել է այդ մարդկանց ներկայությունից՝ «շառից-փորձանքից հեռու» նրանց վտարելով Հայաստան՝ հրաշալի հասկանալով, որ ատելության ահռելի կոնցենտրացիայի պայմաններում օկուպացված Արցախի տարածք տեղափոխվող ադրբեջանցիները կարող են վնասել ազգությամբ հայերին, իսկ դա հերթական միջազգային սկանդալը կարող էր առաջացնել։ Ուստի այդ մարդկանց պարզապես հեռացրել են Արցախի տարածքից։

Սա նաև տեսականորեն ձեռնտու է գործող իշխանություններին, որոնք այլևս պատասխանատվություն չեն զգա իրենց վրա Ադրբեջանի տարածքում մնացած հայերի համար։ Թերևս օրեր անց հայտնի կդառնա, թե ովքեր են տեղափոխվածները, իսկ որոշներն էլ կպարզաբանեն, թե ինչպես ստացվեց, որ իրենց հանկարծակի որոշեցին ուղարկել Հայաստան։ Ցանկացած պարագայում այն, որ Հայաստանի իշխանությունները կատարում են Ադրբեջանի բոլոր ցանկությունները և դարձել են այդ երկրի խամաճիկը, որևէ կասկած չի հարուցում։

Մանե Կիրակոսյան

Կիսվել
Historical Dates ՊԱՏՄՈՒԹՅԱՆ ԱՅՍ ՕՐԸ
Timeline
Tech Innovator and Winemaker Adam Kablanian Joins the Board of Trustees of the “Music for Future” FoundationLusine Yeghiazaryan joins the Board of Trustees of the Music for the Future FoundationYoung Musician from the “Born in Artsakh” Program, Arsen Safaryan, Performed at the Anniversary Concert of the “Artis Futura” Foundation with the Moscow “Russian Philharmonia” Symphony OrchestraYoung Musicians of the “Born in Artsakh” Program Bring the Voice of Artsakh to MoscowThe Sound of Artsakh in the USAEducational Trip and First U.S. Concert of the Music for Future Foundation’s Young MusiciansEmpowering the Next Generation of Armenian Talents: “Music for Future” Foundation’s First Concert in the U.S.DIALOG Organization - Partner of the “Born in Artsakh” ProgramDIALOG Organization - Partner of the “Born in Artsakh” Program“Past”: A Publicly Funded Concert for the Privileged Few? With a Mission to Preserve Armenian Heritage: AraratBank Sponsors the "Artsakh" Orchestra Concert Ardshinbank Donates 120 Million AMD to the Hayastan All-Armenian FundAndron Participates in the Tomorrow Mobility World Congress 2024: Driving Innovation in E-MobilityKhachaturian International Youth Competition launched in China with performance by “Music for Future” Foundation’s Cellist Mari HakobyanNew promotion from AMIO BANK for international SWIFT transfers Shtigen Group is Ready to Support the Development of the Capital Market in Armenia 100% shares of Instigate Semiconductor CJSC is now owned by Microchip Technology inc.Exclusive evening on March 1
All Timeline »
Most Popular
Poll