Ամերիկան և Իսրայելը, որ հшրձակվել են մեր երկրի վրա և uպանել մեր երիտասարդներին ու երեխաներին, հիմա հրամայում են այս մարդկանց նույնը անել․ Փեզեշքիան
ՔԱՂԱՔԱԿԱՆՈՒԹՅՈՒՆ
Նրանք արտասահմանից ահաբեկիչների են բերել մեր երկիր։ Նրանք մզկիթներ են այրել, մարդկանց են այրել, ոմանց գլխատել են։ Այս մասին հայտարարել է Իրանի նախագահ Մասուդ Փեզեշքիանը՝ խոսելով երկրում տեղի ունեցող բողոքի ցույցերի մասին։
«Այս մարդիկ մեր երկրից չեն։ Եթե որևէ մեկը այս երկրին է պատկանում, թող բողոքի ակցիա անի, և մենք կլսենք նրա բողոքը և կլուծենք խնդիրը։ Նրանք տեղում սպանում են անմեղ մարդկանց, հրդեհում են, սա անընդունելի է։
Ամերիկան և Իսրայելը նստած են այնտեղ և ասում են նրանց. «Առաջ գնացեք, մենք այստեղ ենք»։ Նույն մարդիկ, ովքեր հարձակվել են մեր երկրի վրա և սպանել մեր երիտասարդներին ու երեխաներին, հիմա հրամայում են այս մարդկանց նույնը անել, նրանք ասում են․ «Մենք այստեղ ենք, դուք գնացեք և ոչնչացրեք, մենք կգանք ձեր հետևից»,-ասել է Փեզեշքիանը։
