Ահազանգ․ մանկապարտեզներում բռնnւթյա՞ն են ենթարկում երեխաններին

Մանկապարտեզներում բռնության դեպքերը չեն դադարում։ Նմանատիպ  դեպքերի մասին են պատմում MediaHub-ին դիմած քաղաքացիները։

Մեզ դիմած քաղաքացիների խոսքով՝ Թալինի  թիվ 3-րդ մանկապարտեզում բարձիթողի վիաճակ է։

«Բալիկս մինչև մանկապարտեզ գնալը շատ ակտիվ երեխա էր, միշտ աշխույժ։  Մանկապարտեզ գնալուց հետո նրա վարքում փոփոխություն նկատեցի՝ դարձել էր ավելի ինքնամփոփ, բարձր ձայներից վախենում էր, ամեն շարժն իրեն թվում էր, որ փորձում ենք հարվածել նրան, իսկ նա ուզում է պաշտպանվել։ Մի խոսքով՝ ահավոր ծանր վիճակ։ Ամուսինս ասաց, որ, ավելի լավ ա, տանը մնա երեխան, քան գնա մանկապարտեզ»,- պատմեց մեր զրուցակիցը։

Մեկ այլ ծնող էլ մեզ հետ զրույցում պատմեց, որ նա էլ է բախվել նման խնդրի հետ։ Դիմել են տնօրենին, բայց ոչ մի արդյունք։ 

«Երեխաս մինչև մանկապարտեզ գնալը մեծ ոգևորությամբ էր սպասում, թե երբ ա գնալու մանկապարտեզ, նոր ընկերներ ձեռք բերելու, խաղալու, բայց կարճ ժամանակ անց արդեն չէր ուզում մանկապարտեզ գնալ, միշտ մի պատճառ էր հորինում, որ չտանեինք, հետո հասկացանք, թե որն է խնդիրը»,- պատմեց ծնողներից մեկը։

MediaHub-ը փորձեց կապ հաստատել Թալինի թիվ 3-րդ մանկապարտեզի տնօրենի հետ՝ իրավիճակի մասին մեկնաբանություն լսելու նպատակով, սակայն վերջինս հրաժարվեց, որևէ կերպ արձագանքել մեր հարցին, նշելով՝ որևէ բան չունի ասելու։