Արևմուտքը «բացարձակապես ամոթալի իրավիճակներ» է իրեն թույլ տվել՝ Ռուսաստանին «մեկուսացնելու» փորձի ժամանակ․ Լավրով

Արևմուտքը բազմակողմ միջոցառումների ժամանակ «բացարձակապես ամոթալի իրավիճակներ» է թույլ տվել, երբ փորձել է հաստատել Ռուսաստանի «մեկուսացումը»։ Ի վերջո, այս մեկուսացումը հանգեցրել է Արևմուտքի ինքնամեկուսացմանը, հայտարարել է Ռուսաստանի արտգործնախարար Սերգեյ Լավրովը «Ցանկությունների տոնածառ» միջոցառման ժամանակ տված հարցազրույցում, փոխանցում է TASS-ը։

«Մեզ մոտ ամենաակտիվ կերպով շարունակում է զարգանալ դիվանագիտությունը այն երկրների ուղղությամբ, որոնց մենք հիմա անվանում ենք համաշխարհային մեծամասնություն՝ Ասիա, Աֆրիկա, Լատինական Ամերիկա: Եվ այն մեկուսացումը, որի մասին պնդում է Արևմուտքը, իրականում հենց այդ նույն արևմտյան աշխարհի ինքնամեկուսացումն է: Եղել են միանգամայն ամոթալի իրավիճակներ, երբ միջազգային միջոցառումների ժամանակ, օրինակ՝ «Մեծ քսանյակի» շրջանակներում, նրանք պայմանավորվում էին ձեռք չմեկնել ռուս ներկայացուցիչներին: Երբ մեզ տեսնում էին նիստերի դահլիճի հարևանությամբ գտնվող ինչ-որ միջանցքներում, ձևացնում էին, թե նայում են հակառակ ուղղությամբ․ չափահաս մարդիկ փախչում էին», — պատմել է ռուս նախարարը: