Լևոն Արոնյանը տարվա ընթացքում վաստակած մրցանակային գումարով լավագույն եռյակում է

Անցած տարում տարբեր մրցաշարերի մասնակցելով Լևոն Արոնյանը վաստակել է 751,881 ԱՄՆ դոլար։ Այս մասին հայտնում է Sputnik Արմենիան:

Հայաստանի շախմատի հավաքականի նախկին առաջատար Լևոն Արոնյանը նախորդ տարվա ընթացքում վաստակած մրցանակային գումարների չափով ընդգրկվել է լավագույն երեք շախմատիստների ցանկում։

Արոնյանն անցած տարվա ընթացքում տարբեր մրցաշարերում վաստակել է 751,881 ԱՄՆ դոլար։

Վաստակած մրցանակային գումարներով առաջատարը արագ և կայծակնային շախմատի աշխարհի չեմպիոն, աշխարհի 16-րդ չեմպիոն Մագնուս Կարլսենն է (1,455,276 դոլար)։ Երկրորդ հորիզոնականում է աշխարհի շախմատային թագի նախկին հավակնորդ, ամերիկացի Ֆաբիանո Կարուանան (889,598 դոլար)։

Վերջերս Լևոն Արոնյանը երկրորդ տեղն էր զբաղեցրել Ֆիշերի շախմատի Grand Slam Tour մրցաշարերի շարքում։

Նշենք, որ Freestyle Chess Grand Slam Tour-ը Ֆիշերի շախմատի ձևաչափով անցկացվող մրցաշարերի շարք է, այն բաղկացած է հինգ «Grand Slam» փուլերից։ Քեյփթաունում կայացած վերջին մրցաշարում Լևոն Արոնյանը հաղթաց՝ եզրափակչում առավելության հասնելով աշխարհի 16-րդ չեմպիոն Մագնուս Կարլսենի նկատմամբ։