Վենեսուելայի դեմ ԱՄՆ-ի գործողությունները uպառնում են քաոսի վերածվել․ Հարրիս
ՄԻՋԱԶԳԱՅԻՆ
Վենեսուելայի դեմ ամերիկյան իշխանությունների գործողությունները եւ երկրի նախագահ Նիկոլաս Մադուրոյի առեւանգումը սպառնում են քաոսի վերածվել, որի համար ստիպված կլինեն վճարել ամերիկյան ընտանիքները։ Այս մասին գրել է ԱՄՆ նախկին փոխնախագահ Քամալա Հարրիսը, փոխանցում է «ՌԻԱ» Նովոստին։
«Մենք այս ֆիլմն արդեն տեսել ենք։ Ռեժիմի փոփոխության կամ նավթի համար պատերազմներ, որոնք ներկայացվում են որպես ուժ, բայց վերածվում են քաոսի, և ամերիկյան ընտանիքներն են վճարում դրա գինը»,-գրել է նա։
Հարրիսը հավելել է, որ Վենեսուելայի նկատմամբ ԱՄՆ նախագահ Դոնալդ Թրամփի գործողությունները Ամերիկան ավելի անվտանգ կամ ուժեղ չեն դարձնում:
«Այս քայլը անօրինական և անխոհեմ էր։ Ամերիկացի ժողովուրդը սա չի ուզում, և նրանք հոգնել են ստերից... Խոսքը նավթի և Դոնալդ Թրամփի տարածաշրջանային բռնապետի դեր խաղալու ցանկության մասին է»,գրել է նա։
Հարիսը նշել է, որ Թրամփը վտանգի է ենթարկում ամերիկյան զորքերը, միլիարդավոր դոլարներ է ծախսում, ապակայունացնում Է Կարիբյան տարածաշրջանը և չի տրամադրում որևէ օրինական հիմք, ելքի ծրագիր և ոչ մի առավելություն երկրի ներսում:
