Խերսոնում 3 ԱԹՍ-ի հարվածի հետևանքով զոհվել է 24 մարդ
ՄԻՋԱԶԳԱՅԻՆ
Ուկրաինական 3 ԱԹՍ Խերսոնի մարզում հարվածել է Սև ծովի ափին գտնվող սրճարանին և հյուրանոցին, որտեղ մարդիկ նշում էին Նոր տարին։ Այս մասին հայտնել է Խերսոնի մարզպետ Վլադիմիր Սալդոն։
Հաղորդվում է, որ երեք անօդաչու թռչող սարքեր են հարձակվել Սև ծովի ափին՝ Խորլի գյուղում գտնվող սրճարանի և հյուրանոցի վրա: Նախնական տեղեկությունների համաձայն՝ կա ավելի քան 50 վիրավոր և 24 զոհ, այդ թվում՝ մեկ երեխա:
Սալդոն նշել է, որ անօդաչու թռչող սարքերից մեկը զինված է եղել հրկիզող խառնուրդով, որը նման է այն խառնուրդներին, որոնք, նրա խոսքով, նախկինում օգտագործվել են դաշտերը հրկիզելու համար: Նա ընդգծել է, որ հարվածը կատարվել է դիտավորյալ և հետախուզությունից հետո, գրեթե այն պահին, երբ Նոր տարվա գիշերվա ժամացույցի զանգերը հնչել են։
Նա հավելել է, որ հրդեհի ուժգնության պատճառով այլևս մարդկանց չեն կարողացել փրկել, և հրդեհաշիջման աշխատանքները շարունակվել են մինչև առավոտ: Բժիշկները ներկայումս բուժում են վիրավորներին և պայքարում նրանց կյանքը փրկելու համար։
Նա հավելել է, որ Խերսոնի մարզը սգում է զոհերի ընտանիքների հետ և վստահեցրել, որ վիրավորներին և նրանց հարազատներին կտրամադրվի անհրաժեշտ աջակցություն:
