«Նուբարաշեն» ՔԿՀ-ում 20 հզր դրամ՝ սեքսի, իսկ 10հզր դրամ՝ պարզապես շփման համար. Դոգի մոր բացահայտումները

hraparak.am-ը գրում է.

«Նուբարաշեն» քրեակատարողական հիմնարկի վերաբերյալ ահազանգերը մեր խմբագրություն չեն դադարում: Այս անգամ մեզ դիմել է ոստիիկանության նախկին աշխատակից, ոստիկանության մայոր, այժմ դատապարտյալ Վարդան Ղուկասյանի (Դոգ) մայրը՝ տիկին Սուսաննան: Հիշեցնենք, որ Վարդան Ղուկասյանը դատապարտվել  է 4 տարի ազատազրկման՝ շորթման եղանակով ուրիշի գույքի հափշտակություն կազմակերպելու համար։

«Հունիսի 18-ին գնացել եմ, որ իմ էրեխուն տեսնեմ, գնում եմ, ինձ մտցնում են ներս, էնտեղ կա Լարիսա անունով մի կին. նա գիտի, որ ես փակ տեղերից վատանում եմ, ինձ միշտ ջուր ա տալիս ու վալերիանկա, մինչև էրեխես գա, Լարիսը բերեց ջուրն ու վալերիանկան տվեց, ասեց՝ սպասի մինչև գա: Մի կես ժամ սպասում էի, բայց դու մի ասա, տեսակցության վրայի աշխատողը՝ Պետրոսյան Հովիկը, տենամ դեղին մազերով աղջիկ բերեց, մտցրեց կալանավորների սենյակ ու դուռը մյուս կողմից փակեց: Իմ էրէխեն եկավ, խոսեցինք, հետո ինձ ասում ա ստեղից գնա, ես էլ ասում եմ՝ ինչի՞ գնամ, եկել եմ, որ խոսանք այ բալա, էրեխես ինձ ասում ա՝ չէ, չէ դու գնա, հետո ինքը գնաց դռների մոտ, որ գան իրան տանեն: Էլ դու մի ասա, որ էդ աղջկա ու եսիմ որ կալանավորի մեջ «սեքս ա» կատարվում: Ես կես ժամ մնացել եմ էդ փակ դռների մեջ, սպասում եմ, որ ինձ գան տանեն, դուռը ծեծում եմ, բայց ձեն չկա, նոր հետո Լարիսը վազելով եկել ա դուռը բացել ա»,- բարկացած պատմում է Սուսաննա Ղազարյանը:

Նա պնդում է, թե տեսակցությունը ապահովող, ՔԿՀ-ի աշխատակից  Հովիկ Պետրոսյանը աղջիկներ է տանում կալանավորների մոտ սեռական հարաբերություններ ունենալու նպատակով, եւ դրա համար նրան վճարում են 20 000 դրամ, իսկ պարզապես տեսակցելու, առերես շփման համար 10 000 դրամ:

Տիկին Սուսաննայի խոսքերով՝ ինքը որդու հետ շփվում է ապակուց այն կողմ՝ հեռախոսի միջոցով, նրա խոսքերով՝ Պետրոսյան Հովիկը տեղյակ է, որ ինքը գիտի միջադեպի մասին, անգամ տիկինը դիմել է ՔԿՎ, որտեղից նրան պատասխանել են, որ գործը ընթացքի մեջ է. «Էրեխուս գնացել եմ տեսակցության, ինձ նայում ֆշշցնում ա, այ կեղտ. դու փող աշխատես, մի հատ էլ ինձ ֆշշացնես»,-ասում է Վարդան Ղուկասյանի մայրը: Տիկին Սուսաննան վստահեցնում է, որ աղջիկների «մատակարարումը» կալանավայր մշտական բնույթ է կրել:

Քրեակատարողական վարչությունից մեզ հայտնեցին, որ նման բովանդակությամբ դիմում իրենք էլ են ստացել, որի հետ կապված ուսումնասիրություն է տարվել և ուսումնասիրության արդյունքում պարզվել է, որ նման բան չկա և տեղեկությունը չի համապատասխանում իրականությանը