«Տարվա երգ 2025»-ի ետնաբեմում․ մրցանակակիրներ, հույզեր, տոնական տրամադրություն
ՄՇԱԿՈՒՅԹ
Երեկ՝ դեկտեմբերի 6-ին, Կարեն Դեմիրճյանի անվան մարզահամերգային համալիրում արդեն ավանդույթ դարձած տոնակատարության տեսքով ամփոփվեց 2025-ի երաժշտական մասը։
Համալիրի մեծ դահլիճը հյուրընկալել էր հանդիսատեսին՝ «Տարվա երգ 2025» միջոցառման շրջանակում, իսկ բեմը՝ հայկական շոուբիզնեսի աստղաբույլին։
Սա այն իրադարձությունն է, որից բոլորն ամեն տարի ժպիտներով ու գնահատված են վերադառնում տուն, քանի որ մրցանակաբաշխությունը պարգևատրում է յուրաքանչյուրին՝ տարվա ընթացքում ներկայացրած իրենց ամենահիթային ստեղծագործությունների համար։
NEWS.am STYLE-ը եղել է մրցանակաբաշխության ետնաբեմում, ֆիքսել արտիստների տրամադրությունն ու զրուցել նրանց հետ այս մրցանակի կարևորության մասին։
Մեր զրուցակիներից յուրաքանչյուրը վստահեցրեց, որ ամենակարևոր գնահատականը հանդիսաեսի սերն ու արձագանքն է, որոնց դիտումների և աջակցության շնորհիվ էլ նրանք պարգևատրվում են ամեն տարի։
Մրցանակակիրների թվում էին մարդիկ, ովքեր առաջին անգամ էին մասնակցում այս իրադարձությանը, և նրանք, ովքեր ավանդաբար բարձրանում են «Տարվա երգի» բեմ՝ տուն տանելով, բառի բուն իմաստով, աստղային մրցանակը։
Այս տարի առաջին անգամ միջոցառմանը մասնակցեց և պարգևատրվեց բլոգեր, երգիչ Կարո Այրումյանը։ Նա վստահեցնում է՝ 2026-ին էլ ավելի շատ նորություններ են սպասվում։
Ետնաբեմում հանդիպեցինք ու զրուցեցինք նաև Սոնայի, Նանուլի, Արփի Գաբրիելյանի և Միհրան Ծառուկյանի, Անահիտ Ադամյանի, Սոնա Ռուբենյանի, Սիլվա Հակոբյանի ու նրա դստեր՝ Միլայի հետ, ով ցանկացել էր ինքն էլ հայտնվել մայրիկի հետ բեմում ու վերցնել նրա մրցանակը։
Համերգի հատուկ հյուրերից էր վրացական Nikos բենդը, որը կատարեց իր հայտնի՝ Georgian disco հիթը և ոգևորեց հայ հանդիսատեսին «Քամին զանա» երգի իրենց մեկնաբանությամբ։ Համերգային երեկոն վարեցին Իվետա Մուկուչյանն ու Գրիգոր Գասպարյանը։
Այս ամենը՝ NEWS.am STYLE-ի պատրաստած տեսանյութում և ֆոտոշարքում, իսկ եթե բաց եք թողել երեկվա համերգը, այն կարող եք դիտել Ամանորի գիշերը՝ Արմենիա TV-ի եթերում։ Միջոցառման կազմակերպիչ՝ Positive Production:
Սյունե Առաքելյան
Լուսանկարները՝ Արսեն Սարգսյանի
