Ռուսաստանը և Հնդկաստանը սկսում են համագործակցություն անօդաչու թռչող սարքերի ոլորտում
ՄԻՋԱԶԳԱՅԻՆ
Ռուսաստանը և Հնդկաստանը սկսում են համագործակցություն անօդաչու տրանսպորտի և ինտելեկտուալ տրանսպորտային համակարգերի ոլորտում, հայտարարել է Ռուսաստանի տրանսպորտի նախարարությունը։
«Ինտելեկտուալ տրանսպորտային համակարգերի և անօդաչու տրանսպորտի զարգացումը դառնում է համագործակցության նոր ոլորտ», – ասվում է հայտարարության մեջ։
Երկրները նաև քննարկում են Ռուսաստանի ազգային թվային տրանսպորտային և լոգիստիկ հարթակը Հնդկաստանի միասնական լոգիստիկ ինտերֆեյսի հարթակի հետ ինտեգրելու հնարավորությունը։ «Սա, ի վերջո, հնարավորություն կտա միջսահմանային էլեկտրոնային փոխազդեցություն ապահովել տրանսպորտում», – հայտարարել է Ռուսաստանի նախարարությունը։
Տրանսպորտի նախարարությունը հավելել է, որ երկրները հատուկ ուշադրություն են դարձնում ծովային տրանսպորտի զարգացմանը, որի ծավալները մինչև 2024 թվականի վերջը աճել են։ Նախարարությունը որպես հաջող համագործակցության օրինակ նշել է Հնդկաստանի Նավա Շևա և Մունդրա նավահանգիստները Նովոռոսիյսկի հետ կապող ուղիղ ծովային կոնտեյներային գիծը։
Տրանսպորտի նախարար Անդրեյ Նիկիտինը բարձր մակարդակի բանակցություններ է վարել ռուսական պատվիրակության հետ Ռուսաստանի նախագահ Վլադիմիր Պուտինի Հնդկաստան կատարած պետական այցի ընթացքում։
