Հայ-թուրքական իմիտացիա

Հայաստանի և Թուրքիայի համապատասխան գերատեսչությունների ներկայացուցիչները նոյեմբերի 28-ին հանդիպել են սահմանի Ախուրիկ–Աքյաքա անցակետում և Գյումրիում։ Ըստ ՀՀ ԱԳՆ-ի՝ անցկացվել է Գյումրի–Կարս երկաթգծի վերականգնման և շահագործմանն ուղղված տեխնիկական քննարկումների երկրորդ փուլը։ Այլ մանրամասներ չեն հաղորդվում։ Ինչպես և օրեր առաջ կանխատեսել էինք, Թուրքիան շարունակելու է հարաբերությունների կարգավորման իմիտացիա անել՝ իբր հայկական կողմի հետ ինտենսիվ աշխատում են այդ ուղղությամբ։

Բայց հստակ որևէ քայլ, հարաբերությունների կարգավորում, հաստատում, դեսպանատների բացման հուշագրեր չեն լինելու։ Ավելին՝ նույնիսկ մոտ երեք տարի առաջ ձեռքբերված պայմանավորվածությունները՝ սահմանը 3-րդ երկրների համար բացելու վերաբերյալ, առայժմ կյանքի չեն կոչվելու։

Քանի որ դա ձեռնտու չէ պաշտոնական Անկարային այս փուլում, Ադրբեջանն էլ թույլ չի տալիս կարգավորել հարաբերությունները, քանի դեռ Հայաստանը չի կատարել իրենց պահանջները։ Բայց և Էրդողանին անհրաժեշտ է միջազգային հանրության մոտ աշխատանքի տպավորություն ստեղծել։ Սա նաև Փաշինյանին է ձեռնտու՝ իր «խաղաղության օրակարգով» հայ հանրության գլուխը տանելու համար։

Լուսինե Բադալյան