Կրիշտիանու Ռոնալդուն կարող է բաց թողնել ԱԱ-2026-ի մեկնարկը

Պորտուգալիայի ազգային հավաքականի հարձակվող և գլխավոր աստղ Կրիշտիանու Ռոնալդուն կարող է բաց թողնել 2026 թվականի ֆուտբոլի աշխարհի առաջնության (ԱԱ-2026) մեկնարկային փուլը՝ հնարավոր երկարաժամկետ որակազրկման պատճառով, եթե Պորտուգալիան հաջողությամբ դուրս գա եզրափակիչ փուլ։ Այս մասին հայտնում է AP գործակալությունը։

Ֆուտբոլիստը կարմիր քարտ էր ստացել ԱԱ-2026-ի ընտրական մրցաշարում Իռլանդիայի հետ խաղում (0:2)՝ մրցակցին արմունկով հարվածելու համար։ Ռոնալդուն արդեն իսկ բաց կթողնի խմբային փուլի վերջին տուրի հանդիպումը Հայաստանի հավաքականի դեմ, որը նախատեսված է նոյեմբերի 16-ին։

Նա կարող է ստանալ ավելի երկարաժամկետ որակազրկում, քանի որ ՖԻՖԱ-ի կարգապահական կանոնակարգը պահանջում է ծանր խախտման դեպքում ֆուտբոլիստին որակազրկել «առնվազն երկու խաղով»։ Ագրեսիվ վարքագծի՝ ներառյալ արմունկով հարվածների համար, ֆուտբոլիստը կարող է որակազրկվել նվազագույնը երեք խաղով։

ՖԻՖԱ-ի սահմանած որակազրկումը տարածվում է միայն պաշտոնական հանդիպումների վրա։

Ֆուտբոլի աշխարհի առաջնությունը կանցկացվի 2026 թվականի հունիսի 11-ից հուլիսի 19-ը՝ ԱՄՆ-ում, Մեքսիկայում և Կանադայում։