ԱՄՆ-ն չեղարկել է Պուտին-Թրամփ հանդիպումը՝ Ուկրաինայի հարցում Մոսկվայի կոշտ դիրքորոշման պատճառով. Financial Times
ՄԻՋԱԶԳԱՅԻՆ
Միացյալ Նահանգները չեղարկել է Դոնալդ Թրամփի և Վլադիմիր Պուտինի միջև Բուդապեշտում նախատեսված գագաթնաժողովը, այն բանից հետո, երբ Մոսկվան Վաշինգտոնին ուղարկել է հուշագիր՝ Ուկրաինայում պատերազմը դադարեցնելու կոշտ պայմաններով, հաղորդում է «Financial Times»-ը։
Ռուսաստանի պահանջները ներառում էին տարածքային զիջումներ, ուկրաինական բանակի կրճատում և երաշխիք, որ Կիևը երբեք չի միանա ՆԱՏՕ-ին: Համաձայնագիրը չեղարկելու որոշումը կայացվել է Ռուսաստանի արտգործնախարար Սերգեյ Լավրովի և ԱՄՆ պետքարտուղար Մարկո Ռուբիոյի միջև լարված զրույցից հետո:
Աղբյուրների համաձայն՝ Թրամփը դժգոհ էր Մոսկվայի դիրքորոշումից և որոշել էր, որ բանակցություններն անիմաստ են, եթե Կրեմլը ճկունություն չցուցաբերի։ Հանդիպման չեղարկումը նշանավորել է Վաշինգտոնի քաղաքականության կտրուկ շրջադարձ, այն բանից հետո, երբ ԱՄՆ նախագահը, կարծես, հակված էր մեղմացնել իր դիրքորոշումը Ռուսաստանի նկատմամբ։
Հետագայում Սպիտակ տունը կրկին խստացրել է իր հռետորաբանությունը՝ պատժամիջոցներ կիրառելով Ռուսաստանի խոշորագույն նավթային ընկերությունների դեմ։
Հիշեցնենք, որ հոկտեմբերի 23-ին Թրամփը չեղարկել է Բուդապեշտում նախատեսված Պուտինի հետ հանդիպումը։ Նա ասել է, որ քիչ հավանական է, որ երկու կողմերը կարողանան համաձայնության գալ Ուկրաինայի հակամարտության կարգավորման շուրջ այդ պահին, բայց չի բացառել ապագայում գագաթնաժողովի հնարավորությունը։
