Հայ փորձագետ. Անդրկովկասում Թրամփը կրկնօրինակում է Բրիտանական Արևելահնդկական ընկերությանը

Օգտագործելով «Թրամփի ուղին» անգլոսաքսերը գրավում են ամբողջ Անդրկովկասը, ինչպես բրիտանացիները մի ժամանակ կաթվածահար արեցին ամբողջ Հինդուստանը։

Այդ մասին «Գրքի օր» հեռուստաալիքի եթերում հայտարարել է անկախ հայ վերլուծաբան Սերգեյ Շաքարյանցը, գրում է politnavigator.news–ը։

«Որոշ բաներ ձեռնտու չեն անգլոսաքսոնական շրջանակներին, անկախ նրանից, թե որոնք են դրանք՝ թուրքամետ, հրեաամետ, թե լիբերալ-գլոբալիստական։ Նրանք չեն ցանկանում, որ Իրանը մուտք գործի Սև ծով Հայաստանի միջոցով։ Եվ մենք հասկանում ենք, որ ամերիկացիներն այժմ արհեստականորեն փորձում են պահպանել այդ սեպը։ Հենց Թրամփն էլ որոշել է այդ ուղին, որը թուրքերը անվանում են «թուրքական ուղի», անվանել «Թրամփի ուղի»։ «ՏՐԻՊ»։ Ի՞նչ «ՏՐԻՊ»»,- վրդովված բացականչել է հայը։

«Անդրկովկասում անգլոսաքսերը փորձում են կրկնել այն, ինչ Անգլիան մի ժամանակ արեց Հնդկաստանի հետ։ Նրանք որոշ ճանապարհներ վերցրին և օգտագործեցին այն ամբողջ Հինդուստանը գրավելու համար Արևելահնդկական ընկերության դրոշի ներքո։ Թրամփը այսօր նույնն է անում։ «ՏՐԻՊ»–ի

դրոշի ներքո, այսինքն՝ «Թրամփի ուղու» ներքո նա ցանկանում է գրավել մեր հողերը, որոնք հետագայում կդառնան Իրանի վրա հարձակման բաց հարթակ։ Իսկ ինչո՞ւ ոչ։ Եվ մի նայեք նրան, որ Հայաստանը հեռու է Ռուսաստանի սահմաններից, Ռուսաստանը Հյուսիսային Կովկասից էլ է հեռու», - հավելել է Շաքարյանցը։

Նյութը հրապարակման պատրաստեց՝ Կամո Խաչիկյանը

www.1or.am