Թրամփը հրաժարվել է Ուկրաինային Tomahawk տալ․ CNN
ՎԻԴԵՈ
ԱՄՆ նախագահ Դոնալդ Թրամփը Ուկրաինայի նախագահ Վոլոդիմիր Զելենսկուն հասկացրել է, որ չի նախատեսում Ուկրաինային տրամադրել Tomahawk հեռահար հրթիռներ, քանի որ առաջնորդները տարաձայնություններ են ունեցել Ուկրաինայում պատերազմի ապագայի վերաբերյալ: Ինչպես հաղորդում է CNN-ը, իրավիճակին ծանոթ մի քանի աղբյուրներ զրույցը բնութագրել են որպես լարված, անկեղծ և երբեմն «տհաճ»:
«Ուղիղ և ազնիվ զրույցի ընթացքում Թրամփը Զելենսկուն հասկացրեց, որ այս պահին Ուկրաինայի առաջնորդը չի ստանա այն հեռահար հրթիռները, որոնց նա ձգտում է։ Պաշտոնյաներից մեկը հայտարարել է, որ Թրամփի մոտ տպավորություն է ստեղծվել, որ Ուկրաինան ձգտում է էսկալացիայի և հակամարտության ձգձգման, և նա մտահոգված է առաջիկա դաժան ձմռան ընթացքում հնարավոր կորուստներով», - հայտնել է պարբերականը։
Աղբյուրի տվյալներով՝ Թրամփը իր շրջապատին բացատրել է, որ դա կապված է «հակամարտության ներկա վիճակի իրողությունների հետ»՝ պաշտոնյաներից մեկի խոսքով՝ պնդելով, որ ավերածություններն ու սպանությունները չափազանց մեծ են: «Երկու կողմերն էլ պետք է գործարք կնքեն», - ասել է մեկ այլ պաշտոնյա՝ նշելով, որ իրավիճակը միայն կվատթարանա:
