Լարված իրավիճակ է ստեղծվել Հայաստան-Ադրբեջան սահմանագծի հյուսիս-արևելյան հատվածում․ պատմության այս օրը (24 սեպտեմբեր)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Բեռնափոխադրողների միջազգային օր, Գվինեա-Բիսաու՝ Անկախության օր, Կամբոջա՝ Սահմանադրության օր, Հարավային Կորեա և Հյուսիսային Կորեա՝ Բերքի օր, Դոմինիկյան Հանրապետություն՝ Սուրբ Մերսեդեսի օր, Պերու՝ Զինված ուժերի օր։
ՀԱՅԱՍՏԱՆՈՒՄ
1878 - ծնվել է գեղանկարիչ Եղիշե Թադևոսյանը։
1916 - Հովհաննես Այվազովսկու թոռ, օդաչու Կոնստանտին Արցեուլովը պատմության մեջ առաջին անգամ ինքնաթիռով ոլորապտույտ է կատարել։
1920 - հայ-թուրքական պատերազմի ընթացքում հայկական զորքերը ստիպված են եղել նահանջել Սարիղամիշ քաղաքի մոտ։
1923 - ծնվել է գրականագետ Էդվարդ Ջրբաշյանը։
1924 - ծնվել է նկարիչ Լևոն Կոջոյանը։
1940 - ծնվել է ֆիզիկոս Արիկ Ալեքսանյանը։
1981 - ԱՍԱԼԱ-ն իրականացրել է Փարիզի թուրքական դեսպանատան 15-ժամյա գրավում, որը հայտնի է Վան օպերացիա անունով։
2006 - Եվրախորհրդարանը մերժել է Հայոց ցեղասպանությունը ընդունել որպես նախապայման Թուրքիայի անդամակցության համար։
2007 - «Երազանք հանուն Դարֆուրի» գլոբալ քարոզչական արշավը հասել է Հայաստան, որը խորհրդանշական օլիմպիական ջահի երրորդ կանգառն է եղել։
2009 - վախճանվել է անիմացիոն ֆիլմերի ռեժիսոր, սցենարիստ, մուլտիպլիկատոր Ռոբերտ Սահակյանցը։
2013 - Մայր Աթոռ Սուրբ Էջմիածնում սկսվել է Հայաստանյաց Առաքելական Սուրբ Եկեղեցու Եպիսկոպոսաց ժողովը։
2015 - լարված իրավիճակ է ստեղծվել Հայաստան-Ադրբեջան սահմանագծի հյուսիս-արևելյան հատվածում։ Հակառակորդի կրակոցներից սահմանամերձ Պառավաքարում բնակչության շրջանում եղել է մեկ զոհ, իսկ Բերդավանում՝ երկու զոհ և երկու վիրավոր։
-
Գյումրիում օծվել է Հայ կաթողիկե Սրբոց Նահատակաց առաջնորդանիստ եկեղեցին։
2018 - վարչապետ Փաշինյանը հայտարարել է, որ ներկա խորհրդարանը չունի գործելու մանդատ և պետք է ընտրություններ անցկացնել մինչև տարեվերջ։
2019 - Բջնիի իր առանձնատանը հայտնաբերվել է նախկին ոստիկանապետ, գեներալ-գնդապետ Հայկ Հարությունյանի դին՝ գլխի հրազենային վնասվածքով։ Դիակի մոտ եղել է հրազեն։
2021 - վախճանվել է լեգենդար կինոօպերատոր, հայկական կինոյի նվիրյալ Լևոն Աթոյանցը։
ԱՇԽԱՐՀՈՒՄ
622 - Մուհամմադ մարգարեն Մեքքայից Մեդինա է տեղափոխվել՝ իրականացրել է Հիջրա։
768 - վախճանվել է ֆրանկների թագավոր Պիպին Կարճահասակը։
1541 - վախճանվել է գերմանա-շվեյցարացի ֆիզիկոս, բուսաբան, քիմիկոս Պարացելսը։
1664 - Նոր Հոլլանդիայի գուբերնատոր Պիտեր Ստյոյվեսենթը ստորագրել է կապիտուլացիա և Նոր Ամստերդամ քաղաքը հանձնել անգլիացիներին։
1724 - ստեղծվել է Փարիզի ֆոնդային բորսան։
1739 - ծնվել է ռուս պետական գործիչ, գեներալ-ֆելդմարշալ կոմս Գրիգորի Պոտյոմկին-Տավրիչեսկին։
1801 - Ռուսաստանի ցար Ալեքսանդր Ա-ինի մանիֆեստով Արևելյան Վրաստանը միացվել է Ռուսաստանին և կոչվել Վրացական գուբերնիա։
1802 - վախճանվել է ռուս գրող և քննադատ Ալեքսանդր Ռադիշչևը։
1812 - Արգենտինայի անկախության համար մղվող պատերազմում տեղի է ունեցել ճակատամարտ Տուկմանեի մոտ՝ արգենտինացի հայրենասերների և իսպանական կառավարական բանակի միջև։
1830 - Բելգիական հեղափոխության ընթացքում կազմավորվել է Բելգիայի ժամանակավոր կառավարություն։
1852 - ֆրանսիացի Անրի Ժիֆֆերը իրականացրել է շոգեշարժիչով դիրիժաբլի առաջին թռիչքը։
1884 - ծնվել է գերմանացի հրաձգային զենքի նախագծող Հուգո Շմայսերը։
1896 - ծնվել է ամերիկացի նշանավոր գրող Ֆրենսիս Սքոթ Ֆիցջերալդը։
1902 - ծնվել է Իրանի հոգևոր առաջնորդ, Իրանի առաջին գերագույն առաջնորդ Ռուհոլլա Խոմեինին։
1911 - ծնվել է ռուս և խորհրդային քաղաքական գործիչ Կոնստանտին Չեռնենկոն։
1934 - «Պրավդա» թերթը առաջին անգամ Ստալինին անվանել է «Մեծ կերակրող»։
1941 - Երկրորդ համաշխարհային պատերազմի ժամանակ ԽՍՀՄ-ը միացել է Ատլանտյան դաշինքին։
1944 - հրապարակվել է Գերմանիայի հետպատերազմյան կառուցման ամերիկացիների ստեղծած «Մարշալի պլանը», ըստ որի Գերմանիան պետք է արդյունաբերական երկրից վերածվեր բացառապես գյուղատնտեսական երկրի։
1945 - վախճանվել է գերմանացի ֆիզիկոս, ռադիացիայի հաշվիչի ստեղծող Հանս Գեյգերը։
1948 - ստեղծվել է «Հոնդա» ընկերությունը։
1953 - Հոլիվուդում կայացել է առաջին պանորամային ֆիլմի ցուցադրությունը։
1957 - Բարսելոնում բացվել է Եվրոպայի ամենամեծ «Կամպ Նոու» մարզադաշտը։
1960 - ԱՄՆ-ում ջուր է իջեցվել առաջին ատոմային սուզանավը՝ «USS Enterprise (CVN-65)»-ը։
1968 - Սվազիլենդը դարձել է ՄԱԿ-ի անդամ։
1973 - Գվինեա-Բիսաուն անկախացել է Պորտուգալիայից։
1996 - Միացյալ Ազգերի Կազմակերպության Գլխավոր ասամբլեայում ստորագրվել է Ատոմային փորձարկումների արգելման մասին համաձայնագիրը։
1998 - Լիոնում (Ֆրանսիա) առաջին անգամ իրականացվել է մարդու ձեռքի փոխպատվաստում։
Կ. Խաչիկյան
