Ռուսաստանը ԱԹՍ միջադեպերը համարում է Արևմուտքի սադրանք

Ռուսաստանի Դաշնության խորհրդի միջազգային հարաբերությունների կոմիտեի փոխնախագահ Անդրեյ Կլիմովը հայտարարեց, որ Լեհաստանում և Ռումինիայում անօդաչու թռչող սարքերի հետ կապված միջադեպերը «մաքուր սադրանք» են՝ ուղղված Ռուսաստանի ու Արևմուտքի միջև լարվածության խորացմանը։ Նա ընդգծեց, որ այս պատմությունը նպատակ ունի բարդացնել նաև ռուս-ամերիկյան հարաբերությունները։

Ավելի վաղ ամերիկացի կոնգրեսական Ռիկ Քրոուֆորդը հայտարարել էր, որ Ռուսաստանն է սադրում ՆԱՏՕ-ին այս միջադեպերով։ Ռումինիայի Պաշտպանության նախարարությունն էլ հաղորդել էր, որ ռուսական «Գերան» անօդաչուն խախտել է երկրի օդային տարածքը, սակայն այն չի խոցվել և շուտով լքել է երկինքը։

Սեպտեմբերի 10-ի գիշերը Լեհաստանում նույնպես արձանագրվել էր անօդաչուների ներթափանցում․ Վարշավան առանց ապացույցների մեղադրել է Մոսկվային։ Միջադեպերը նոր լարվածություն են առաջացրել Ռուսաստանի և ՆԱՏՕ-ի հարաբերություններում, փոխանցում է Лента.ру-ն։