Տղամարդը 19-րդ հարկից ընկել է մեքենայի վրա և ողջ մնացել

Կիևի Դնեպրովսկի վարչական շրջանում 36-ամյա տղամարդը ընկել է բնակելի շենքի 19-րդ հարկից, սակայն հրաշքով ողջ է մնացել։ Միջադեպի մասին տեղեկությունը տարածվել է օգոստոսի 30-ին, հաղորդում է Korrespondent.net-ը։

Ոստիկանության տվյալներով՝ տղամարդը տեղացի է և 36 տարեկան։ Նա ցատկել է շենքի 19-րդ հարկից ու վայրէջք կատարել բակում կայանված մեքենայի տանիքին։ Վերջինս տեղափոխվել է հիվանդանոց՝ փակ գանգուղեղային վնասվածքով, որովայնի և կրծքավանդակի վնասումներով։

Նախնական տեղեկությունների համաձայն՝ տեղի ունեցածը ինքնասպանության փորձ է։ Քննիչները պարզում են միջադեպի իրական պատճառները։

Սոցիալական ցանցերում արդեն տարածվել են դեպքի վայրից լուսանկարներ և տեսագրություններ․ կադրերում երևում է, որ տղամարդը ընկել է ուրիշի ավտոմեքենայի վրա՝ վնասելով այն, սակայն հենց այդ մեքենան էլ փրկել է նրա կյանքը։

Korrespondent.net-ի տեղեկացմամբ՝ դեպքը տեղի է ունեցել Վոսկրեսենսկայա փողոցում գտնվող «Պարկովյե Օզերա» բնակելի համալիրում։