Ոսկե գնդակ-2025․ Score90-ը թարմացրել է վարկանիշային աղյուսակը
ՍՊՈՐՏ
Ֆուտբոլային աշխարհը սպասում է 2025 թվականի «Ոսկե գնդակ» մրցանակի շնորհմանը, և Score90-ի վերջին վարկանիշը բերում է անսպասելի արդյունքներ:
Ամենամեծ անակնկալը ՊՍԺ-ի հարձակվող Ուսման Դեմբելեի առաջատար դիրքն է, ով գլխավորում է հավակնորդների ցուցակը:
Երկրորդ տեղում է «Բարսելոնայի» երիտասարդ տաղանդ Լամին Յամալը, ով իր վառ խաղով գրավել է ուշադրությունը: Եռյակը եզրափակում է «Ռեալ Մադրիդի» աստղ Կիլիան Մբապեն, ով մշտապես համարվում է ֆավորիտներից մեկը:
Իմանալ օրվա կարևոր հանդիպումների մասին
Լավագույն հնգյակը լրացնում են «Բարսելոնայի» կիսապաշտպան Պեդրին և «Լիվերպուլի» առաջատար Մոհամեդ Սալահը, ովքեր նույնպես ցուցադրել են բարձրակարգ խաղ այս մրցաշրջանում:
Դեմբելեի առաջատարությունը պայմանավորված է նրա հրաշալի ելույթներով, որոնց շնորհիվ ՊՍԺ-ն նվաճել է եվրոպական թրեբլ՝ հաղթելով բոլոր խոշոր մրցաշարերում: Նա խփել է 35 գոլ և կատարել 16 գոլային փոխանցում բոլոր մրցաշարերում՝ դառնալով թիմի հաջողության գլխավոր շարժիչը:
Մրցանակի շնորհման արարողությունը նախատեսված է 2025 թվականի սեպտեմբերի 22-ին:
