Արցախում գրանցվել է առաջին սովամահության դեպքը․ պատմության այս օրը (15 օգոստոս)

ՈՐՈՇ ՏՈՆԵՐ — Լեհաստան՝ Զինված ուժերի օր, Ռումինիա՝ Նավատորմի օր, Կոնգոյի Դեմոկրատական Հանրապետություն՝ Անկախության օր, Հնդկաստան՝ Անկախության օր, Հարավային Կորեա՝ Ազատագրման օր, Հյուսիսային Կորեա՝ Ազատագրման օր, ԱՄՆ՝ Ճապոնիայի դեմ տարած հաղթանակի օր, Ճապոնիա՝ Պատերազմում զոհվածների հիշատակի օր, Պանամա՝ Պանամա-Վիեխոյի օր, Լեհաստան՝ Լեհական բանակի օր, Ռուսաստան՝ Հնէաբանի օր, Եգիպտոս՝ Օբոնի օր (Նեղոսի վարարման օր)։

ՀԱՅԱՍՏԱՆՈՒՄ

1878 - ծնվել է արևմտահայ բանաստեղծ Սիամանթոն։
1904 - ծնվել է վրաստանցի հայ դերասանուհի Վեներա Հակոբյանը։
1911 - ծնվել է հայ խորհրդային մեխանիկ Միքայել Մանուկյանը։
1922 - ծնվել է բանաստեղծ Վահագն Դավթյանը։
— ծնվել է պատմաբան, պատմական գիտությունների դոկտոր Աբել Սիմոնյանը։
1923 - ծնվել է տենոր Արթուր Այդինյանը։
1928 - ծնվել է աշխարհահռչակ պոլսահայ լուսանկարիչ Արա Գյուլերը։
1931 - ծնվել է հայազգի խորհրդային կոմպոզիտոր, ֆիլմերի երաժշտությունների ստեղծող Միքայել Թարիվերդիևը։
1934 - ծնվել է խորհրդահայ ջազմեն, կոմպոզիտոր և սաքսոֆոնիստ Գեորգի Գարանյանը։
1944 - ծնվել է ծագումով հայ, ֆրանսիացի երգչուհի և դերասանուհի Սիլվի Վարդանը։
1947 - վախճանվել է գրականագետ և բանասեր Նիկոլ Աղբալյանը։
1991 - վախճանվել է խորհրդահայ դերասան, կինոռեժիսոր Ստեփան Կևորկովը։
2001 - Նախագահ Քոչարյանը ստորագրել է «Աղետի գոտու վերականգնման համալիր ծրագիրը»։
2003 - մոտ 60 մանկավարժ Գյումրիի Ազատության հրապարակում բողոքի ցույց են կազմակերպել դպրոցների օպտիմալացման ծրագրի դեմ, որի արդյունքում ուսուցիչներից շատերը գործազուրկ են մնալու։
2007 - վախճանվել է խորհրդահայ գրաֆիկայի վարպետ Ռուդոլֆ Խաչատրյանը։
2018 - աշխարհահռչակ պոլսահայ լուսանկարիչ Արա Գյուլերի ծննդյան 90-ամյակի առիթով Ստամբուլում բացվել է մեծանուն արվեստագետի թանգարանը։
2023 - Ադրբեջանի կողմից ութ ամիս շարունակվող շրջափակման մեջ գտնվող Արցախում գրանցվել է առաջին սովամահության դեպքը։

ԱՇԽԱՐՀՈՒՄ

797 - Իրինի բյուզանդացի թագուհին, կուրացնելով, գահընկեց է արել սեփական որդուն՝ Կոնստանտին VI-ին և սկսել է միանձնյա թագավորել ամբողջ Բյուզանդիան։
1096 - Հռոմի պապի օրհնությամբ սկսվել է Առաջին խաչակրաց արշավանքը, խաչակիրներն Իտալիայից և Ֆրանսիայից ճամփա են ընկել դեպի Կոստանդնուպոլիս։
1118 - վախճանվել է Բյուզանդիայի կայսր Ալեքսիոս Ա Կոմնենոսը։
1185 - Վրաստանի Թամարա թագուհին օրհնել է Վարձիա քարանձավային քաղաքը։1248 - դրվել է Քյոլնի տաճարի հիմնաքարը։
1274 - վախճանվել է ֆրանսիացի թեոլոգ Ռոբեր դե Սորբոնը, որի անունն է կրում Փարիզի համալսարանը։
1461 - թուրք-օսմանները գրավել են Տրապիզոնի կայսրության մայրաքաղաք Տրապիզոնը։
1519 - հնդկացիական ձկնորսական ավանի տեղում հիմնադրվել է Պանամա քաղաքը, որի անվանումը թարգմանվում է որպես «շատ-շատ ձկներ»։
1534 - Փարիզում ստեղծվել է ճիզվիտների կաթոլիկ միությունը։
1537 - հիմնադրվել է Պարագվայի մայրաքաղաք Ասունսյոնը։
1723 - հանդիսավորությամբ բացվել է Պետերգոֆը, որը եղել է ռուս ցարերի ամառային նստավայրը։
1769 - ծնվել է ֆրանսիացի զորավար, քաղաքական գործիչ Նապոլեոն Բոնապարտը։
1771 - ծնվել է անգլիացի գրող, բանաստեղծ, արձակագիր Վալտեր Սքոթը («Քվենտին Դորվարդ», «Այվենհո»)։
1835 - արտոնագրվել է պտտվող թմբուկով ավտոմատ լվացքի մեքենան։
1877 - գյուտարար Թոմաս Էդիսոնն առաջին անգամ առաջարկել է հեռախոսով դիմելու համար գործածել «Hello» բառը։
1896 - ծնվել է ԽՍՀՄ դերասանուհի Ֆաինա Ռանևսկայան։
1935 - Գերմանիայում սվաստիկայով դրոշը հաստատվել է որպես պետական դրոշ։
1944 - Երկրորդ համաշխարհային պատերազմի ժամանակ սկսվել է ամերիկա-ֆրանսիական ուժերի ափհանումը Հարավային Ֆրանսիայում։
1947 - Բրիտանական գաղութ Հնդկաստանը բաժանվել է երկու մասի՝ բուն Հնդկաստանի և Պակիստանի։
1948 - Կորեան 38-րդ զուգահեռականով բաժանվել է երկու մասի՝ Հարավային և Հյուսիսային Կորեաների։
1973 - ԱՄՆ-ը, դադարեցնելով Կամբոջայի ռմբակոծությունը, փաստացի դադարեցրել է իր ուղղակի մասնակցությունը Հնդկաչինում ընթացող ռազմական գործողություններին։
1992 - Ադրբեջանում մտցվել է մանաթ փողի միավորը։
1993 - Ադրբեջանում մտցվել է վերին մակարդակի .az դոմենը։
2021 - ԱՄՆ-ը սկսել է զորքերը դուրս բերել Աֆղանստանից, թալիբները սկսել են գրավել երկրի տարածքը, ընդունվել են Աֆղանստանի նոր դրոշն ու գերբը։

Կ. Խաչիկյան