Ադրբեջանցի փոխգնդապետ. Մոսկվան մեր դաշնակիցը չէ, մենք գաղտնի օգնում ենք Ուկրաինային
ՔԱՂԱՔԱԿԱՆՈՒԹՅՈՒՆ
Ադրբեջանը Մոսկվայի ռազմավարական դաշնակիցը չէ և գաղտնի օգնություն է ցուցաբերում Ուկրաինային Ռուսաստանի դեմ պատերազմում։ Այս մասին հայտարարել է Ադրբեջանի ազգային անվտանգության նախարարության վետերան, թոշակի անցած փոխգնդապետ Իլհամ Իսմայիլը մեջլիսային լրագրող Էլվինա Սեյթբուլաևայի հետ հարցազրույցում, գրում է politnavigator.net–ը։
«Նման օգնություն կա, բայց կարծում եմ, որ խորհուրդ է տրվում չգովազդել այն, մարդասիրական է, բայց մենք գիտենք, որ աջակցում ենք... Ռուսաստանն էլ ասում է, որ մենք ռազմավարական դաշնակիցներ ենք։ Բայց դա ֆորմալ դաշնակցություն է, մենք ռազմավարական դաշնակիցներ չենք», - ասել է Իսմայիլը։
Նա հերքել է Ղարաբաղի համար երկրորդ պատերազմի ժամանակ խոցված ռուսական ուղղաթիռի մասին պնդումները։ «Երբ մենք մոտեցանք նախկին Ստեփանակերտին, Ռուսաստանը դիվերսիոն գործողություններ ձեռնարկեց։ Նա խփեց իր սեփական ուղղաթիռը Ադրբեջանի հետ սահմանին և ասաց, որ մենք եք դա արել, որպեսզի պատրվակ լինի Ադրբեջանի վրա հարձակվելու համար։ Բայց մենք դա չենք դա արել, քանի որ ուղղաթիռը չէր հատել ադրբեջանական սահմանը։ Ուղղաթիռը գտնվում էր Հայաստանի տարածքում։ Եվ ևս երեք տարի ռուսները գտնվել են Ղարաբաղի տարածքում և ճնշում են գործադրել», - պնդել է Իսմայիլը։
Նրա խոսքով հայ բնակչությունը «կամավոր» է լքել Ղարաբաղը։
Ադրբեջանցի փոխգնդապետն ասել է, որ Ռուսաստանի մասնակցությունը Ուկրաինայում անցկացվող պատերազմին «անուղղակիորեն է օգնել» Բաքվին։ «Մենք գիտենք, որ Ուկրաինան պայքարում է մեզ համար և ամբողջ հետխորհրդային տարածքի համար։ Պուտինը և նրա քարոզչությունը անընդհատ ասում են. եկեք ավարտենք Ուկրաինայի հետ և անցնենք մնացածին», - վստահեցրել է Իսմայիլը։
Նյութը հրապարակման պատրաստեց Կամո Խաչիկյանը
