Քաղաքացիները Սևանում հեծանվանավակով հեռացել են ափից․ օգնության են հասել ջրափրկարարները

Հուլիսի 20-ին, ժամը 15։30-ին Սևանա լճի 2-րդ հանրային լողափում հերթապահություն իրականացնող ջրափրկարարները նկատել են, որ երկու քաղաքացի (դեռահաս) հեծանվանավակով ափից մոտ 800 մ հեռացել են և չեն կարողանում վերադառնալ ափ։

Ջրափրկարարներն ափ են դուրս բերել հեծանվանավակը և քաղաքացիներին։

Հուլիսի 20-ին, ժամը 15։50-ին քաղաքացին դիմել է Սևանա լճի 2-րդ հանրային լողափում հերթապահություն իրականացնող ջրափրկարարներին առ այն, որ երկու քաղաքացի հեծանվանավակով հեռացել են ափից և չեն վերադարձել (մոտ 30 րոպե)․ անհրաժեշտ է ջրափրկարարների օգնությունը։

Ջրափրկարարները հայտնաբերել և ափ են դուրս բերել հեծանվանավակը և երկու քաղաքացու։

Հուլիսի 20-ին, ժամը 18։55-ի սահմաններում Սևանա լճի 1-ին հանրային լողափում հերթապահություն իրականացնող ջրափրկարարները նկատել են, որ ափից մոտ 1․5 կմ հեռավորության վրա քաղաքացին մոտորանավակով երկար ժամանակ է չի շարժվում։

Ջրափրկարարները ափ են դուրս բերել քաղաքացուն և մոտորանավակը։