Անկարա-Բաքու-Դամասկոս էներգետիկ դաշինքը կարող է Իրանին դուրս մղել սիրիական գազի շուկայից. «Кавказарь»
ԻՐԱՎՈՒՆՔ
Թուրքիան «կապույտ վառելիքն» օգտագործում է որպես Մերձավոր Արևելքը սեփական աշխարհառազմավարական տեսլականի ներքո վերաձևաչափելու գլխավոր գործիք, գրում է «Кавказарь» Telegram-ալիքը՝ «Рыбарь»-ի թեմատիկ նախագիծը։
Ինչպես ընդգծում է «Кавказарь»-ը, Անկարա-Բաքու-Դամասկոս էներգետիկ դաշինքը կարող է Իրանին դուրս մղել սիրիական գազի շուկայից։
Միևնույն ժամանակ Ռուսաստանը վտանգում է կորցնել հետպատերազմյան Սիրիայում առանցքային դերակատարի կարգավիճակը։
Այսպես ռեսուրսը մեկնաբանել է Սիրիայի նոր առաջնորդ Ահմեդ աշ-Շարաայի այցը Բաքու, որի շրջանակում Ադրբեջանի պետական նավթային ընկերության՝ SOCAR-ի և Սիրիայի կառավարության միջև էներգետիկայի ոլորտում հուշագիր է ստորագրվել։
«Ի՞նչ է տեղի ունենում.
▪️Թուրքիան և Ադրբեջանն ուժեղացնում են ազդեցությունը Մերձավոր Արևելքում էներգետիկ դիվանագիտության միջոցով։
▪️Ադրբեջանը Թուրքիայի շահերի առաջնորդն է. SOCAR-ը հանդես է գալիս որպես թյուրքական ազդեցության վերազգային գործիք»,- ընդգծում է «Кавказарь»-ը։
